De Gulden Passer. Jaargang 60

[p. 54]

102. Tardè venere bubulci.

L'homme ia vieil trop tard cerche moyen

Pour tromper ceux dont-il retient le bien:
Car il deuoit s'applicquer estant ieune
A bien sçauoir resister à fortune,
En non songeart sans esleuer sa veüe
Cercher ce poinct dans l'obscur de la nue.

Ie ne veux pas toutesfois empescher

Que l'on ne puisse en toute áage cercher
Cela qui est digne de la science:
Mais qu'un vieillard qui a tromper pourpense
Est faict la fable au commun & vulgaire.
En la ieunesse il faut donc si bien faire
Que l'homme apprenne à façonner ses moeurs
Pour en vieillesse euiter les malheurs.