De Gulden Passer. Jaargang 60

96. Tempestiua prosunt.
Errico Memmio.

Tous les ans le serpent sortant au renouucau

En vn pertuis estroict laisse sa veille peau:
Que si le poursuyuant tu l'arrestes à l'heure
Seulement en tes mains ceste peau te demeure:
Estant ainsi frustré chez toy tu reuiendras
Et pour la theriaque vn serpent ne tiendras,
Il faut donc que celuy qui poursuit quelque chose,
Que la cause & le temps & l'heure il se propose:
Car l'heure apportera & pourra descouurir
Cela qu'on aura sceu en mille ans recouurir.
Chasque chose a son temps, l'hyuer ensuit l'automne:

[p. 53]

 

L'esté brusle les fleurs que le printemps nous donne,

 

Les fleurs, les bleds, les vins, & les frimats gelez

 

Par les quatre saison aux hommes sont donnez.