De Gulden Passer. Jaargang 60

71. Sapientia insipiens.
Arnoldo Arlenio suo.

Le sens vient du cerueau & sespand largement

Cà & là dans le corps par les membres: si est-ce

Que le donneur n'a pas ce dont il faict largesse,

Et ce qui faict mouuoir n'as point de mouuement.

Ce que ie dis n'est point sans grand estonnement

L'esprit prompt & gaillart & tout plain d'allegresse

Vient d'un lieu qui est vuide: ainsi la meulle dresse

Et la poincte & le fil a vn lourd ferrement:

Bien que lourde elle soit, le fer elle amenuise.

Direz vous que ceux la sont de sage entreprise

Qui vont donnant leur bien? ils ont le nom & rien.

Sois plus prochain à toy, puis tu feras largesse

A ton pauure voisin: ainsi tu pourras bien

Assez commodement iouïr de la richesse.