De Gulden Passer. Jaargang 60

60. Iniuria grauis est omnibus.
Ad Hadrianum Gulielmum Neapolitanum.

Lors qu'on veut d'un rocher

L'esponge molle arracher,
Comme blessee elle tremble,
D'autant que l'on faict du tort
Aux viuans, autant de mort
Et de haine l'on assemble.

Car ayant receu douleur,

On pense auoir deshonneur
De n'en prendre la vengeance:
Voire plu souuent on void
Que pour bien peu lon reçoit
Vne grande malueillance.

Mais il vaudroit beaucoup mieux

Porter d'un coeur gratieux
L'arrogance d'une iniure:
Comme l'esponge s'eslend
Auecque l'eau qu'elle prend,
Que patiente elle endure.

Iuste en sera le vengeur

Lequel pour tout le malheur
Donnera la recompense.
Ce pendant rendons le bien
Pour le mal, par ce moyen
Nous dompterons l'arrogance.