De Gulden Passer. Jaargang 60

54. Dum potes viue.

Lors que l'auare pescheur

Iette ses rets pour me prendre,
Auec la noire liqueur
Que subit te fais espandre,
Ie m'eschappe, & seurement
Ie nage profondement.

Ceux donc qui ont le moyen

De contregarder leur vie,
Pour eschapper ce lien
Pourquoy laissent-ils l'enuie?
Que ne cerchant-ils tousiours
Moyen d'alonger leurs sours?

Fuyons les mortels efforts

Tant que cil qui mist la vie
Icy bas dans nostre corps,
Dans le ciel la reconuie:
Car ce grand Dieu n'aime pas
L'aduancement du trespas.

La pouppe muant couleur

Dans les rochers & le sable
Fuit de la mort le malheur,
Au moyen d'un corps muable
Lequel il colore, & peut
Changer ainsi comme il veut.