De Gulden Passer. Jaargang 60

49. Periculum in promptu.

Le pescheur experimente

La froidure vehemente
Qui le saisist tout soudain,
Lors que touchant d'une perche
La turpille qu'il ne cerche
Luy faict engourdir la main.

Bien qu'elle soit escoulee

Au fond de la mer salee,
Et qu'ell' ne touche son corps:
Si est-ce que la froidure
Qu'elle iette outre mesure
Met en effect ses efforts.

Ainsi la fortune pire

Bien que loing on se retire
Peut rendre vn homme fàche':
Tout se conduict par finesse,
Et pius souuent on s'addresse
Au serpent qui est cache'.