De Gulden Passer. Jaargang 60

47. Varij hominum sensus.

Quelque vieille portoit sur vn mont à l'escart

Force testes de morts, mais foible & chancellante
Se laissa choir en terre, & en diuerse part
Elle vit çà & là tout' sa charge roulante.
Lors, dist elle, in ne faut prendre esbahissement
Si les viuans ne sont d'opinion semblable,
Car mesme les oz morts roulent diuersement,
Et chacun d'eux poursuit vn sentier dissemblable.
Voila comment alors que nous sommes vestus
De la masse de chair, en mainte & mainte sorte
Nostre esprit est porté arriere des vertus,
Ainsi que le cheual desbride se transporte.