De Gulden Passer. Jaargang 60

45. Vsus, non lectio prudentes facit.

Ie n'enseigne tousiours, ne feuillette point tant,

Le grand nombre ne faict les hommes venir sages,
Mais le ressouuenir des plus doctes passages,
Par vn ferme sçauoir, rend leur esprit content.
Le libraire trop chiche en a grande abondance,
Et si pour tout cela il n'acquiert la science.
Tu as beau nous virer & relire cent fois,
Si tu ne t'en souuiens & n'en monstre l'usage
Tu enperdras ta peine & ton apprentissage
Mais, Fulue, pourautant que cecy tu cognois,
Tu as estudié dans les liures antiques,
Dont le fruict va coulant parmy noz Republiques.

Tu en retiens chez toy vn bon nombre parfaict,

Dont tu remets les vns par ta grand' diligence
En leur forme premiere, & de telle ordonnance
Ie me tiens tellement content & satvfaict,
Qu'aumoins pourrons nous bien en ceste sorte faire,
Que nous proficterons à ceux qui n'en ont guere.