De Gulden Passer. Jaargang 60

40. Προδοσέταιρος exosus.

L'aueugle amour n'a point aucune cognoissance

De ce qui est vtile, & de cela qui nuit:

Il n'a point de raison: la fureur le conduit

Tant qu'il aye tout perdu par son insuffisance.

Qui osta à Nison la royalle puissance,

Et qui faict Roy Minos, sinon le vain deduict

De l'amour de sa fille, qui subit le seduict,

Et qui pour tout cela n'en eust la recompense?

Ceux qui vont maintenant l'ennemi du pays,

Et qui postposent tout à leur coeur impudique,

Ceux-la sont pourchassez, desprisez & hais:

Quel espoir peut donner la trahison inique

D'un traistre à l'ennemy qui est espouuante',

Donc la mere voudroit ne l'auoir enfente'?