De Gulden Passer. Jaargang 60

34. Semperignauus.

Le boeuf n'estant esmeu de l'aiguillon poignant,

Battu du laboureur va tousiours lentement,
Sa peau est endurcie, & refusant la bride,
Il n'a tant seulement qu'un fardeau qui le guide.

Mais que sert-il aussi de battre & tourmenter

Celuy qui au labeur ne se peut presenter
Quin ne peut estre esmeu par amour de l'estude,
Et lequel est douë d'un esprit par trop rude?

La limace est tardiue, & l'oiseau est subit,

Il ne faut point haster le lieure qui s'enfuit:
Le temps n'empesche point que la mouche ne mange,
Et tousiours l'arondelle est sauuage & estrange.