De Gulden Passer. Jaargang 60

31. Res humanae in summo, declinant.

Lorsque Phebus est au plux haut des cieux

La neige fond sous son oeil radieux:
Ainsi fortune au plus haut aduancee
Sans y penser est souuent venuersee:
Et tout cela que la mort peut dompter
N'est sufficant pour tousiours persister.
Bien que les Rois aux grand palais demeurent,
Si faut-il bien qu'en la parfin ils meurent.
La mort esgale à chacun se conduit:
Vn riche Roy comme vn pauure elle suit.
Et vers chacun plus subit elle vole
Que ne faict pas vne viste parole.
A chasque vent nous nous sentons poussez,
Et plus subit nous sommes renuersez
Qu' à la chaleur d'une grande lumiere
Ne se fletrist la rose iournaliere.