De Gulden Passer. Jaargang 60

21. Importuna adulatio.

Alexandre qui peut tout le monde dompter

Fut Iadis estimé le fils de Iupiter,
Dont le peintre Apelles flateur outre mesure
Luy mist vn fouldre en main. faisant sa pourtraicture.
Mais ce fut beaucoup trop, & mesme il fut repris
D'auoir dessus les dieux follement entrepris.

Lysippe qui d'arain auoit faict sa semblance,

Dist qu'il valoit bien mieux luy bailler vne lance,
Comme estant plus seant à vn Roy de l'auoir.
Cesar victorieux ne veut pas receusir
L'honneur dont la grandeur d'un royaume s'augmente,
Ains du nom d'Empereur sans plus il se contente.

L'homme est espouuante' quand il oit le tonnerre,

Le foudre vient du ciel: mais il faut sur la terre
Que le Prince ou le Roy soit doux & gratieux,
Il doibt plus tost auoir le halecret des dieux,
Et de Pallis ausii la plus diuine lance,
Qui est le vray escu de doctrine & vaillance.