De Gulden Passer. Jaargang 60

18. Οὺ χζὴ παννύχιον ἕυδειν.

Celuy qui s'est entremis

D'aller sur ses ennemis
Menant vne grande armee,
Celuy la beaucoup ne dort
Mais tousiours premier il sort
D'vne audace accoustumee.

Le Macedon vigilant

Beaucoup ne fut sommeillant,
Iamais il n'eut patience
Que la longe profondeur
Du somme par sa douceur
Luy trompast son esperance.

Dessus vn vase d'airain

Il alloit tendant la main
Pleine d'une masse ronde,
Et se reposant ainsi
Il ne charmoit son soucy
D'une paresse profonde.

Aussi fut-il d'un grand coeur,

Et digne de tout honneur
De triomphes & de gloires.

[p. 39]

 

On dict que Iules fut tel,

 

Qui eust le nom immortel

 

A raison de ses victoires.