De Gulden Passer. Jaargang 60

15. Quae ante pedes.

Vne poulle mangea les oeufz qu'on luy donna

Pour couuer, & ainsi ell' frustra l'esperance:
Car se faisant plaisir & à l'auiruy nuisance
Sans raison nul soucy du futur elle n'a.

A ceux qui n'ont esgard du temps qui doibt venir

Ce vice est faict commun, alors qu'en vain ils donnent
Les biens qu'ils n'ont acquis, lesquels ils abandonnent
Sans auoir du futur vn meilleur souuenir.

Que sert-il de mener la rache par les champs

Pour soigneux recercher abondant pasturàge,
Quand elle cependant va serrant le laictage
Appartenant à ceux qui y passent leur temps?

Mais nous ne sommes pas pour nous tant seulement

En ce monde venus: pourtant qu'vne partie
Appartient aux parens, & l'autre à la patrie
Là ou nous auons pris nostre commencement.