De Gulden Passer. Jaargang 58-59

[p. 105]

⁺ Stultitiam patiuntur opes.

+ 112, 113.

78.

Mvlti quos opibus Deus beauit,
Aut Fortuna, solent leues abuti
In res prodigialiter nocentes.
Vt queîs ingenium foret benignum,
Et doctas sequier velint camoenas,
In fastus abeant, opes morentur,
Nulli vt consuluisse, nec iuuare
Dignentur premit vt bonos egestas.
Nollem diuitiae mihi darentur
Istae, queîs decus, & perenniores
Laudes impediuntur, ac mouentur.
Quare stultitiam pati venustus
Vates dixit opes, nec expetendas,
Fortunatus eris, sed haud beatus.