De Gulden Passer. Jaargang 58-59

[p. 90]

⁺ Epidemiae potior caussa.
Ad Ioan. Baptistam Razarium.

+ 82, 83.

58.

Tetram nimis describit, ac luem grauem

Graiugenùm proceres trahentem amarulenter, &

Exercitum in dies magis voracibus

Faucibus, atque odio prementem Homerus optimus.

Apollo nam infestus suis radiis potest

Inficere aërias plagas, nocere plurimùm.

Est medicus & simul solet depellere

Noxia, cùm libuït, salutis auctor integer.

Sed quod cadebant bestiae primùm solo,

Tardius atque homines sensere tabem post malam,

Erectior quia ambulat, nec spiritus

Pestiferos subitò traxere terrae in intima.

Coelo haec Achiuis poena venerat,

Dum nimium cupidi videntur vltionibus.

Set nos Deum precemur, auertat malum hoc,

Et meritos grauius, monere leniter velit.