De Gulden Passer. Jaargang 58-59

Varij hominum sensus.
Ad Franciscum Forgaz Episcop. Var.

47.

Qvaedam anus in sacrum portabat crania collem,

Ossibus humanis ne minuatur honos.

Sed titubans aegris pedibus cùm verticem adiret,

Concidit, ac varium crania versat iter.

Illa videns labi diuersè cuncta retrorsum,

Quodq́ue adeò discors semita ferret onus:

Quid mirum si tot sensus, quot in vrbe figurae

Sunt, ait, in viuis, num ossibus vna via est?

Nónne iecur Tityi restat, subitoq́ue renascens

Exercet variae quae laniabat, auem?

Sic dum nos tellus indutos mole dolorum

Detinet, ancipiti mens vaga fertur equo.