Het oudste goederenregister van Oudenbiezen (1280-1344). Deel I Tekst

[p. 41]

[Derde stuk]

(Huselt)

⁺ De joer ons Heren m cc lxxx ender octauen van poschen, due wart det buec begonnen.

Desen pagt es mer sculdech den bruderen van den Bisen erfeleke ende es Tongersche mote.

Jute Gothelpen wif was, van Huselt, iii mudde roghen Tungers, te Huselt te leuerne en sente Andris dage, die we vor hore gelden den besscope te Husselt van horen nuwen roet lande.

Item die selue Jute iiii vaet roghen Tungers, te Huselt te leuerne en ligtmes dage, die we vor hore gelden den besscope te Huselt, van horen huflande.

Grite Lukarts wif was, van Huselt, iiii vaet ende iii cop roghen Tungers, te Huselt te leuerne en ligtmesdage, die we vor hore gelden den besscope te Huselt van horen huflande.

Thideric Keisers son, van Huselt, i mudde roghen Tungers, ten Bisen te leuerne en sente Andris dage, van sinre hostat te Huselt. Dat i mudde roghen cogte Woutere der Groete weder Heinman Keisere^a.

Enkens son Moncs, van Huselt, ii mudde roghen Tungers, Tongren te leuerne en sente Andris dage, van^b.

+ 133 r^o hand A

a deze post is doorgestreept.

b de rest van deze post is uitgekrabd.

⁺ (Authuselt)

Johan van der Molen, van Authuselt, iiii vaet ende iii cop roghen Tungers, Tungren often Bisen te leuerne, van vi ruden lants; des ligt v ruden bouen sin hof tAuthuselt ende i rude neue sin hof tAuthuselt.

+ 133 v^o

(Grimerdingen)

Heinrics wif was van Grimerdingen bi Repen, iiii vaet roghen Tungers, Tungren te leuerne, van xxii ruden ende xv ropruden lants, lighen te Herne neder de Tobben op dOberch.

Heinrics kendere van Grimerdingen, iiii mudde roghen Tun-

[p. 42]

gers, Tungren te leuerne, van iiii ruden bamde, ligt te Grimerdingen bi onsen bampt, ende van i hostat, ligt te Grimerdingen ende was Gerats Scenatsen, ende van xlii ruden lants luttel me of men, lighen te Grimerdingen bi de hostat ende heit der Hofacker.

(Rudekouen)

Gicebrecht Middelere, i mudde roghen Tungers, ten Bisen te leuerne, van i bunre lants, des ligt xvi ruden ter Lect ende iiii ruden bi Rudekouen.

Alsis wif van Rudekouen, i mudde roghen Tungers, ten Bisen te leuerne, van hore hostat te Rudekouen. Dat i mudde roghen cogte Bertelein der Smet.

Johan Vowinkel ende Willem Surinc, iiii vaet roghen Tungers, ten Bisen te leuerne, van hore hostat te Rudekouen die hors vader was.

(Werme)

Herbort van Werme, i cop roghen van v ruden lants. Denen cop roghen gelde we den bisscope te Huselt vor heme van hufkorne.

(Elderen)

Merten Groet dume, van heren Godenuls Elderen, iiii vaet roghen Tungers, tElderen te leuerne, van x ruden lants; des ligt v ruden op den Hoegen gragt tElderen ende v ruden neder Kirbosch.

(Loen)

Kateline van Colmont ende Marie hor dogter, iiii mudde ende iii vaet roghen Tungers, van iii bunren onderhalue rude men lants, lighen te Pideringen ende woren hors selfs. Van desen⁺ korne gelde we vor hore // iii vaet roghen Tungren tOnser Vrouwen werke ende iiii vaet roghen Tungren Senter Katelinen werke ende iiii vaet roghen Tungren Senter Katelinen pape ende iii mudde roghen ons seluer die we^a Gicebrechte Bollen van Pideringen af quiden om xii marc.

Idem Kateline ende Marie, x mudde ende v vaet roghen Tun-

+ 134 r^o

a ons seluer die we op rasuur.

[p. 43]

gers, van al horen gude te Repen ende te Haren ende te Widoy. Die x mudde ende v vaet gelde we vor hun bruder Arnoude ende voren Gertruden sinen wiue te hore beider liue, ende alsoe lange est ons Kateline ende Marie sculdech.

Idem Kateline ende Marie i vaet gersten Tungers van vi bunren lants, ligen te Widoy ende woren hors selfs. Dat vaet gersten gelde we vor hore den scouteite van Vlidermale van hufkorne^a.

a deze post is doorgestreept.

(Reke)

Heinric der Snidere, vanden Bisen, ende Godefert sin bruder, iiii vaet roghen Tungers, ten Bisen te leuerne, van x ruden lants, lighen agter Reke ende woren hors vader. Die iiii vaet roghen hebben de brudere vanden Bisen te pitansen te Aleiden jorgetide van Assce ende si besatse der tue.

(Ouerepen)

Cloes van Ouerrepen, i mudde roghen Tungers, Tungren te leuerne, van viii ruden ende vii rop lants ende ii ruden bampts, ligt al agter sin hof, ende van sinre hostat dore bennen woent, dire satte tonderpande, metten lande ende metten bamde.

(Elderen)

Heinrics Stouuen kendere, ii vaet roghen Tungers, tElderen te leuerne, van der teenden van xix ruden lants, lighen bi heren Godenuls Elderen te Hoeghout.

(Grimerdingen)

Her Willem der jonge van Grimerdingen, i mudde roghen te Grimerdingen te leuerne, van der niderster molen te Grimerdingen.

⁺ (Johan Boene van Huselt)

Johan Boene, van Huselt, i mudde roghen Tongers, ten Bisen te leuerne en sent Andris dage, van sinre hostat te Huselt die Heinrics Keisers was, ende van vii ruden ende i halue huflants, lighen op Nederuelt bi der kender lant van Hasselt. Die vii ruden ende i halue stoen tonderpande metter hostaet.

+ 134 v^o

[p. 44]

⁺ (Bertelmens sKaters son)

Berthelmeus Katers soen, van Groetloer^a, Tongers, Tongere te leueren en sent Andris dage, van der husingen ende der hoefstede te Groetloer die bruder Arnust was van Groetloe. Des haet he vns gesat te vnder pligte vor rigter ende schepen te Groetloe xv rude lans bi die Wegschede ende iii rude lants ende velde van Gessere, ende woren Hermans sMeiers^b.

⁺ Willem vor Soffien son, xiiii ruden Tungers, Tongeren te liuerenne, van onsen houe te Scalchouen. Des hat ons Willem gesat vii lant ruden teplicte die legen in dat Bruc ze Tugulouet. Die siuen ruden gelden i o. tencese Gerade^c van Haren ende hauese ig bruder Jococp entuagen. Hie ouer Johan Cordeuon, Heinric der Bruere ende Peter der Bruere, Johan vor Lisebedde son, Nicolaus Obdende uan Herne, Heinric her Kotmans son, Willem Viser^d.

+ hand C

a Berthelmeus Katers soen van Groetloer op grotere rasuur.

b smiers met bovengeschreven e.

+ hand D

c boven de G sen.

d vi en r onzeker.

⁺ (Gisenbreght van Herderen)

Item Giselbregt van Herderen, i modde Tricts, te Trict te leuerne erflike, op iii stucke lants die hauden xxxviii groet ruden ende xvii cleine ruden. Des ligghen v groete ruden ende vi cleine ruden ende i halue vor tRoet te Rimst wert, die gelde teende. Bouen dit stucke lants ligghen vi groet ruden, die gelden egheine tende. Dise ii stucke lants gelden iii ½ d. tsens ende i vaet euene den greue. Item xxvii groet ruden ende x cleine ende i halue, die ligghen op tRoet te Vletinghen wert, die gelden viii d. tsens den greue ende egheine teende. Were dat sake dat he vns niet wale en gůlde, so soude we varen te xxxv groet ruden des lants as tonse plichte; met ten anderen soude he sine wille doen.

+ hand J

(Johan Leu van Rudecouen)

Item Johan Leu, van Rudenkouen, ii modde rogghen Tůngers erflike, den gasthuse i modde ende der porten i modde, te Bissen en den hof te leuerne, op iii stucken lants die hauden xxv groet⁺ ruden. Des ligghen x groet ruden // achter Rudecouen midden den Tůngersen wech, die gelden iiii d. tsens den greue en sente

+ 135 r^o

[p. 45]

Remeys daghe. Item x groet ruden ligghen vor Werte aen Brůck, die gelden iiii d. tsens den greue en sente Remeys daghe. Item v groet ruden tAsuegden bi den Wenterbergh aen den gragt, die gelden ii d. tsens den greue en sente Remeys daghe. Were dat sake dat he vns niet wale en gůlde, so soude we varen tot al dinen vore genumden lande as tonse plichte. Al dit vore genumde lant steit te ghenoden ter sukene. Des es loet Johan Mosscart.

(Matheys van Rudecouen)

Item <Gisel Spits bruder, van Rumershouen,>^a viii vaet rogghen Tungers, Tungeren te leuerne, erflike op xxx groet ruden lants, die lighen te Vlidermale bi de Woufscule, ende gelden bede ende^b den greue van Loen int sent Remeis daghe. Were dat sake dat he vns niet wale en gůlde, so soude we varen tot dinen vore genumden lande as tonse plichte. Dit lant gilt als vele ter sukene, ast gilt te cense. Des is loet bruder Heinric van Trigt^c.

Item Margarite van Tungeren, ii vaet rogghen Tungers, Tungeren te leuerne erflike, die Arnout Colenere den bruderen besatte te petancien op i half bunre lants, ligt te Tungerenberge, dat wi helt van Willem van Berghe.

⁺ Desen pagt is man den broderren soldig eruelic: Godart Xpisteanen^d son van Grot Loen i modde Tungers, te Tungeren te leueren, op i bunre lants; des leget hen halue bunre op den berge bouen Kokelborre, op den seluen berge^e iiii roden, vnder denen berge bi den Lanke bemt an ii stugken v grot roden ende viii clene roden, an hen halue bunre do min geit van Brogem te Loen vert an^f de Herstrote xii clene roden. Des is loet Kone.

Item dit is dat guot dat Woters was des haluen broder. Item hen hof, den helt min van den houe te Iunchuot ende gilet iii ½ d. cens sinte Remeismisse, des is loet Woren vnse koge. Item van deme vor genoden houe gelt vns Rose van Reke iiii d. cens, v roden lants de licen bouen deme houe ende helt mins van den greue ende helden i cens ende i d. haue ende ane te gane;

a Gisel Spits bruder van Rumershouen van hand J op rasuur.

b hier leemte van een woord.

c bijgeschreven, hand L: dis Gisel is ons schuldich iii vaet roghen ane gůden erue dat gelegen sin te Růmershouen tonderpande tesettene.

+ 135 v^o hand O

d onzekere lezing.

e berge boven doorgestreept seluen.

f Loen vert an op rasuur.

[p. 46]

des is loit Gerat der Duvel. An den seluen hof legen vi roden lants, de helt min van den huse ende gelden ii d. cens; des is loit broder Heinric van Tregt; ende vii roden lants, de helt min van den houe te Spaden ende sint bouen berge gelegen ende stent te genoden ende gelden v o. cens; des is loit broder Io der halue broder. Item vi roden lants, de sint gelegen bouen berge ende helt mins van Arnot van Olbeke en stent te genoden; des is loit Arnot der Pelcere ende gelden ii d. cens. Dese xiii roden dei sint gelegen boven berge ende helts Mhossars dogter ir leue dage ende si gelt den cens.

Item Heinric van Leten i modde roghen Tregs, te Besen te leueren eruelike. Des is vnder pant sin huse ende si hof en hen bonre lants. Det^a bonre is gelegen thussen Leten ende Ahsse. De vor gesporken hof helt min van den greue van Loen ende gelt ii d. cens sint Steuens dage; des is loit Gerat der Duvel ende gielt kormede van den vor gesporken bonre lants. xv roden helt min van den houe van Mounster ende gelden vi d. cens ende stent te genoden; des is loit Gerat vnse knape. Item v roden lants, de helt min van Renarde van der Shuren ende gelden i d. cens; des is loit broder Godart van Kerke. Van desen vor gesporken modde roghen gilet vns Heinric ix d. de wir weder gelden.

⁺ De iore vns Heren m ccc ende xiii, do gaut Melis den hirsten pagt, i modde roghen Tungers, te Tungeren te leueren. Des is vnder pant si huse^b ende sin hof ende ii roden lants, de ligen do min geit te Grot Loen wert op den weg. Dit vor gesporken gesete ende de ii roden helt min van deme prost van Widoy ende gilt i d. cens ende i d. haue ende han te gane; des is loit Kone vnse winne. Binnen desen gesete ligen ii roden lants, de helt min van vns, ende v ½ roden egens lants, de ligen vor deme vor gesporken hofue. Do worde wir in gedoen te Loen op den kirkehof vnder de linde; des han wir guode karten. Doe wir in dit vor gesporken gesete worden gedon in de ii roden, do was houer er Heinric van Berighouen as rigter, Hulheir van Haren as shepen, Renir der Smet as shepen, Willem in gen Brogh as shepen, Melis as shepen. De ii roden binnen deme gesete gelden vns ii ½ d. te cense.

a e uit i of omgekeerd.

+ 136 r^o

b hier ende sin doorgestreept.

[p. 47]

De iore vns Hirren m ccc en xiii, do gaut Kone van Sasenbrog den hirsten pagt, i modde roghen^a Tungers, te Tungeren te leueren heruelike. Des is vnder pant i bunre lants. Dat bunre lants sol wir nemen an xlv roden lants de gelegen sin bi Manshouen, gelikerwis as in den karten de wir van home hebben bescreven is.

a i modde roghen naast doorgestreept hen modde roghen.

⁺ (^b Her Godenoels Eldren)

Item Jo ende Dangel sonne Smets, van Eldren, si schuldech ii vaet roghen erfleke van der tenden van i bonre lants ende es gelegen op Hogt ende was ver Kinen van Elderen, Tungersche mate.

+ hand U

b hier tEldren uitgekrabd.