Het oudste goederenregister van Oudenbiezen (1280-1344). Deel I Tekst

[p. 24]

[Tweede stuk]

^+a

De joer ons Heren m cc lxxx ender octauen van poschen, due wart det buec begonnen.

Desen pagt es mer sculdech den bruderen vanden Bisen erfeleke.

+ 125 r^o hand A

a bovenaan de bladzijde, hand H?: desen pacht es man schuldich den bruderen van den Bissen erflike.

(Johan Nulkens son van Roesmer)

Ten irsten Johan Nulkensson, van Roesmer, vi vaet korns van x ruden lants, lighen tusschen der siken ende Roesmer onder Kortenbosch anden Herwech. Als dlant met roghen ligt, so est roghe sculdech, ende als met gersten ligt, so est gerste sculdech ende alst te broken ligt, son est nit sculdech. Det koren mut we halen te Roesmer met onser cost, ende es Trigtsche mote.

(Ide van Roesmer)

Ide Philips muder was, van Roesmer, vi vaet korns Trigts, te Roesmer te leuerne, van x ruden lants, lighen onder Kortenbosch tusschen der siken ende Roesmer anden Herwech. Als dlant met roghen ligt, so est roghe sculdech, ende alst met gersten ligt, so est gerste sculdech, ende alst te broken ligt, son est nit sculdech.

(Johan der Molnere van Roesmer)

Johan der Molnere, van Vdenberch, iiii vaet roghen Trigts, te Rosmer te leuerne, van i stucke lants, ligt te Roesmer ende was Lisbeden der becginen van Roesmer. Die iiii vaet roghen hebben de brudere vanden Bisen te pitansen op den dach dat Lisbeden jorgetide es, want si besatse der tue.

(de monke van Spauden)

De monke van Ouerspauden, ii vaet roghen Trigts, te Spauden te leuerne, van i plette lants, ligt tusschen Spauden ende Roesmer, ende bleif ons van ouer wessele van lande; due nomesit erfeleke ombe ii vaet roghen jorgelics.

[p. 25]

(Megtelt Kiuits van Herderen)

Megtelt Kiuits, van Herderen, viii vaet roghen Trigts, te Herderen te leuerne, van xii ruden lants, lighen te Herderen. Die viii vaet roghen esse sculdech te bruder Godeferts Scelen liue^a.

a deze post doorgestreept.

⁺ (Herderen)

Heinric Blanpain^b, van Herderen, i half vaet roghen ende onderhalf vaet gersten van x ruden lants, lighen ane Goularts kerke.

<Johan Gutwert soen>^c, van Herderen, i halue cop roghen ende onderhalue cop gersten van ii ruden ende i halue lants, lighen en den Bruel, ende woren Denis sins bruder^d.

Jute Kiuits^e, van Herderen, onderhalue cop roghen ende i vaet ende i halue cop gersten Trigts, te Herderen te leuerne, van vii ruden ende i halue lants; des ligt ii ruden ende i halue en den Bruel ende v ruden op Eltgerboden.

<Cloes>^f van Herderen^g i vaet gersten Trigts, te Herderen te leuerne, van vi ruden lants, lighen tusschen Herderen ende Spauden en i kule.

Lenuole van Herderen, i half vaet gersten Trigts, te Herderen te leuerne, van iiii ruden lants, lighen en de Konuenne agter Leuols hof te Herderen.

Lenuolen bruder wif was^h, i half vaet gersten Trigts, te Herderen te leuerneⁱ, van iiii ruden lants^j, lighen te Herderen en de Konuenne agter Leuols hof ende es dwederdeil van Leuols iiii ruden.

Jute Scelbarts dogter was^k, van Herderen, ii vaet gersten Trigts, te Herderen te leuerne, van v ruden lants, lighen ane Titsberch.

+ 125 v^o

b hierboven Herman dis Heinrics dogterman, hand L.

c Johan Gutwert soen op rasuur, hand A.

d ende woren Denis sins bruder samen daarmee toegevoegd, hand A.

e Jute Kiuits doogestreept en Henekin Beckere bovengeschreven, hand L.

f Cloes op rasuur, hand A.

g hierboven Herke, hand L.

h hierboven Godert van Lancvelt, hand L.

i hs. lerne.

j hierboven bams, hand L.

k hierboven Giskin heren Gisilbrecs son, hand L.

[p. 26]

(Rimst)

Jocob Johans son was, van Rimst, viii vaet euen sleic, van iiii bunren lants, lighen te Rimst, ende sin dwederdeil van onsen iiii bunren die heren Jocobs spapen van Lutke woren.

Bruder Godenuls dogter^a, van Rimst, ii vaet roghen Trigts, te Rimst te leuerne, van den gude van Boelre^b.

Lambrechts kendere Tilmans sons, van Rimst, i half vaet roghen Trigts, te Rimst te leuerne, van den gude van Boelre.

a bruder Godenuls dogter doorgestreept en Johan onse meier onse wenne bovengeschreven, hand L.

b bijgeschreven, hand L: des is vi ruden lants, des lict iii ruden ande Merre stroete bouen tKrijt ende iii ruden achter veren Lutgarde dis Kobbe hof in den Bodum.

(Trigt)

Ide Marsilis wif van Trigt, van Leimculen, onderhalf vaet roghen Trigts, te Rimst te leuerne, van den gude van Boelre.

⁺ (Wout[wilre])

Gerat Menten son van Wilre, iii vaet roghen Trigts^c, te Wilre te leuerne^d.

+ 126 r^o

c toegevoegd, hand D: ende i d.

d toegevoegd, hand D: van xii ruden, ligen tussen Jvnchot ende Vorsten ecke.

(Sente Mer[tens] Linne)

Godefert der Smet, van Sente Mertens Linne, i vaet korns Trigts, ten Bisen te leuerne, van <x ruden, die legen tuschen Sent Mertens Linne ende den Bisen. Dit heit der S[...]>^e. Als dlant met wenterkorne ligt, so est roghe sculdech, ende alst met somerkorne ligt, so est gerste sculdech, ende alst te broken ligt, son est nit sculdech.

e x ruden tot hier, in opengebleven ruimte ingevuld, hand C.

(Oelbeke)

<Willem van Oelbeke, vi vaet roghen Trigts, ten Bisen te leuerne en sent Andris dage, van x ruden lants, lighen bi Oelbeke en Wilre dael.>^f

f deze post ten dele op rasuur, ten dele in opengebleven ruimte, hand A.

[p. 27]

⁺ <(Tongeren)>

<Henric Ouen man, uan Tongren, iiii vaet rogghen Tungers, Tungren te leuerne, wan xxi ruden lants tussen Berge ende Linne op de strote ende uoren bruder Lambrechts uan Tungren ende het ons xii ruden lants bi Piderinen ane den Grunen uege gesat te plegte, helt men uan den heren uan Tungren.>^a

+ hand D

a deze post van hand D, deels op rasuur, deels in opengebleven ruimte.

⁺ (Kuckels berge)

<Woutere van Kuckels berge>^b, iii vaet ende iii cope roghen ende iiii vaet gersten, te Rudekouen te leuerne, van der teenden van iii bunren ende vii ruden lants, woren Enkens van Hecgen. Des ligt i bunre en ii stucken vore Enkens^c van Hecgen; item x ruden lighen en ii stucken agter Enkens hof; item xvii ruden lighen entfelt vor Hecgen; item iii ruden ende i halue lighen agter Alsis hof; item v ruden lighen vore Weerte; item viii ruden lighen bi onsen wingart was; item iii ruden ende halue lighen agter^d Rucbirs hof^e.

+ hand A

b Woutere van Kuckels berge op rasuur, hand A.

c hier overtollig va.

d hs. agte.

e in de marge, hand L: de růde gilt ein haluen cop half roghen half gerste.

(Linne bi Huselt)

Moes van Linne, i vaet roghen Trigts, te Rudekouen te leuerne, van der teenden van vi ruden lants, lighen en de Logruue^f, ende woren Enkens van Hecgen, van Rudekouen.

f o onzeker.

([Lutke])^g

[...]^h i half vaet roghen ende i half vaet gersten Trigts, ten Bisen te leuerne, van ix ruden lants, lighen te Letene, ende woren Tulen kendere van Letene.

⁺ Gicebrecht Gibe, van den Bisenⁱ, i vaet gersten Trigts, ten Bisen te leuerne, van i houe, ligt te Rudekouen, ende was Lambrechts Enkens bruder van Hecgen.

g Lutke, hoewel uitgekrabd, schemert nog door.

h de naam uitgekrabd.

+ 126 v^o

i Gicebrecht Gibe van den Bisen doorgestreept en Mente Gisebrechts doechter bovengeschreven, hand L.

[p. 28]

Met gilt ons ten Bisen ende ombe den Bisen iii vaet ende i cop half roghe ende half gerste, en senter Meis dage te geldene, vore teende pagt. Dat koren mut we halen met onser cost ter lude hus diet sculdech sin.

(Rudekouen)^a

Gicebrecht smeierson van Rudekouen, ii vaet roghen ende v^b vaet ende iii cop gersten Trigts, te Rudekouen te leuerne en senter Meis dage, van der teenden van xxvii ruden lants ende van v ruden bamde. Des ligt x ruden te Ham; item iiii ruden ende i halue ligen bi Weerte; item vi ruden lighen bi Kinen hof te Hecgen; item vii ruden lighen te Gardegruuen; item de v ruden bamde lighen bi Steinbrughe^c.

Wouters Herken kendere, van Rudekouen, i half vaet roghen ende i half vaet gersten Trigts, te Rudekouen te leuerne en senter Meis dage, van teende pagte van vi ruden lants, lighen te Weerte.

Arnout Enken van Hecgen, van Rudekouen, i cop roghen Trigts, te Rudekouen te leuerne en sent Andris dage, van teende pagte van sinre hostat te Hecgen.

a Rudekouen doorgestreept.

b v onzeker.

c door deze post is een kruis getrokken.

(Weerte)

Floerken van Weerte i cop gersten Trigts, te Weerte te leuerne en senter Meis dage, van ii ruden lants, lighen te Ham.

(Susschen)

Lisbet bruder Willems suster van Susschen, i vaet korns, de tweedeil roghe ende terdedeil tarwe Trigts, te Susschen te leuerne⁺ en senter Meis dage, van xiii ruden ende iii rop // lants, lighen anden wech tusschen Susschen ende Seggen. Dat koren gelde we vore hore den calonken van Senter Vose.

+ 127 r^o

(Rudekou[en])

Willem Heister, van Rudekouen, i vaet roghen Trigts, ten Bisen te leuerne en sent Andris dage, van der teenden van v ruden

[p. 29]

lants, lighen agter sinen hoef, ende woren Willems Romols ende Heinrics Hofackers.

Willem Romoel, van Rudekouen, i vaet roghen Trigts, ten Bisen te leuerne en sent Andris dage, van i rude ende i halue lants, lighen ten Kouke bouen onse molen te Rudekouen.

(Bilsen)

Johan Scanouf der Vleischouwer, van Bilsen, ii vaet roghen ende ii vaet gersten Trigts, ten Bisen te leuerne en sent Andris dage, van der teenden van xxvii ruden lants, lighen tusschen Buchout ende Moster meer ane den paet te Leten wert, ende woren Arnouts sins vader.

Gicebrecht van Bilsen Nesen man van der Pipen, i vaet korns Trigts, ten Bisen te leuerne en sent Andris dage, van der teenden van vii ruden lants, lighen bi Buueloe. Alse dat lant met wenterkorne ligt, so est roghe sculdech, ende alst met somerkorne ligt, so est gerste sculdech, ende ter broken en est nit sculdech.

(Houte)^a

Der commendoer van den Houte, iii mudde roghen Trigts, Trigt te leuerne en sent Andris dage. Die iii mudde roghen es mer sculdech Vulen van den Bisin ende Marien ende Katelinen der seluer Vulen dogtere, alle jore die wile datter i van den iii left, ende alse de leste van desen iii doet es, so es der hoef van den Houte quit ende ledech van desen iii mudden roghen. Dats ouc te wetene, dat die selue Vule dese iii mudde roghen kogte ombe xxxvi marc die Daniele van der Herken worden gegeuen^b.

a Houte doorgestreept.

b door deze post is een kruis getrokken.

⁺ (Rimst)

De joer ons Heren m cc lxxxvii en sent Andris dage.

Det orskoren es mer ons sculdech te haluen merte, te Rimst of te Herderen te leuerne, met sleiker moten van Trigt, van den gude dat heren Lambrechts van Milne was. Det ligt te Rimst:

Jocob van Rimst, ii vaet ende i half van i bunre lants, ligt en genen Bornc.

Godefert Jocob soen, ii vaet ende i cop ende i halue van

+ 127 v^o

[p. 30]

xix ruden lants; des ligt xiiii ruden en Einechuser wech ende v ruden op den Onderen dael te Rimst wert.

Herman Spigel, van Rimst, xii vaet ende i cop van v bunren ende iiii ruden lants; des ligt xii ruden ane den Adec ende x ruden ane de Sue ter Meer wert ende vii ruden te Winkens hecgen ende x ruden te Gragte ende xii ruden tAbbemercs ende ii v ruden ane de Tombstrote ende x ruden ane den Vleitinger wech ende xii ruden vorwert ane den seluen weech ende v ruden vorwert ane den seluen weech ende xiii ruden op tRoet ane de Mercs ende iii ruden bi dat Trigt wert.

Heinric Gerats soen van den Bougarde, van Rimst, ii vaet ende iii cop van xxii ruden lants; des ligt vii ruden ane den Mercs ende v ruden an den Vleitinger wech ende vi ruden tAbbemercs ende v ruden ane den Mercs bouen den Onderen dale.

Heinric Reiners soen van den Bougarde, van Rimst, v cop van x ruden lants, lighen ane de Sue te Meer wert.

Lambrecht Gotscauc soen, van Rimst, ii vaet ende iii cop van xxxiiii ruden lants; des ligt x ruden ane den Adec ende vii ruden te Winkens hecgen ende vii ruden ane de Mercs ende v ruden agter Godenuls Plugmekers hof ende v ruden tAbbemercs.

⁺ Godenuel der Plugmekere, i half vaet ende i halue cop van v ruden lants, lighen ane den Mere wech.

Johan Dapper, i cop ende tfirdeil van i cop van iii ruden lants, ligen en Lenen dale.

Heinric Vos soen van Rimst, iii vaet van xxiiii ruden lants; des ligt i bunre bi tReec op de Herstrote ende iiii ruden lighen opt Kirgaet.

Johan der Smet, van Rimst, iii cop ende terdeil van i cop van i vregten lants, ligt ane geen Roet ane den Mercs.

Heinric der Wamsulre, van Rimst, i half vaet ende de ii deil van i cop van vi ruden lants; des ligt ii ruden ende i halue en den Bornc ende iii ruden ende i halue vor Rimst ane Herderen gaet.

Johan Hurtinc, van Rimst, iii vaet ende i halue cop van xxv ruden lants; des ligt vi ruden ane de Vlut arke ende ix ruden ane den Steinberch ende x ruden op den Berch te Meer wert.

Lisbet Teruls, van Rimst, v cop van x ruden lants, lighen te Rimst en horen hof.

Ide van der Heiden, van Rimst, i half vaet ende i halue cop van v ruden lants, lighen te Rimst agter horen hof.

+ 128 r^o

[p. 31]

Grite van Scoenwinkele, v cop van x ruden lants, lighen vore Moren dale.

Grite Sonderlants wif, van Rimst, v cop van x ruden lants, lighen ane den Mercs opt Roet.

Grite Kernen wif, van Rimst, vii cop ende i halue van xv ruden lants; des ligt x ruden ane Dipendals strote ende v ruden en den Vleitinger wech.

Aleit van der Brughen, van Rimst, i half vaet ende i halue cop van hore hostat dose op woent te Rimst, die helt v ruden lants.

⁺ Aleit Lambrechts wif, van Rimst, ii vaet ende i half van i bunre lants, ligt vore Moren dael.

Mighil van Lutke, iiii vaet ende i halue cop van xxxiii ruden lants; des ligt xv ruden te Rimst agter der brughen ende x ruden bouen den Adec ende viii ruden en Dipendael.

Lambrechts kendere Tilman soens, van Rimst, ii vaet ende i half van i bunre lants; des ligt x ruden en horen hoef ende iii ruden ende i halue agter den seluen hoef ende vi ruden tAbbemercs.

Johan van Susschen, vii cop ende i halue van xv ruden lants, lighen opt Roet te Vleitingen wert.

Godefert der Beckere, van Trigt, v cop van x ruden lants; des ligt iiii ruden ane den Vleitinger wech ende iii ruden ende i halue en den Bornc ende ii ruden ende i halue bouen Moren dael.

Heinric Cleinsmet, van Trigt, i half vaet ende i halue cop van v ruden lants; des ligt iii ruden ende i halue bouen den Onderen dael ende i rude ende i halue ane de Sue te Meer wert.

Gerat der Clerc Lambrechts Sorsingen neue, i half vaet ende i halue cop van v ruden lants, ligen en den Mere wech.

Heilif bruder Godenuls dogter^a, i half vaet ende i halue cop van v ruden lants, lighen en den Vleitinger wech.

Biotere van Meer, v cop van x ruden lants, lighen ane de Mere strote.

Megtelt Wirics wif van Elst, i half vaet ende i halue cop van v ruden lants, lighen ane de Tombstrote.

Summe ii mudde ende vii vaet ende i half.

+ 128 v^o

a Heilif bruder Godenuls dogter doorgestreept en Johan onse wenne bovengeschreven, hand L.

[p. 32]

⁺ (Herderen)

Det ligt te Herderen:

Kunrat^a van Einechusen^b, v cop van x ruden lants, lighen ane de widen bi den Ditwech.

Cloes Mighil soen van Einechusen, vii cop ende i halue van xv ruden lants, lighen te Herderen en sinen nuen hof.

Gicebrecht op dEnde^c, vii cop ende i halue van xv ruden lants, lighen op Dipen dael.

Heinric Blanpain^d, van Herderen, iii vaet ende ii cop van xxviii ruden lants; des ligt i rude neder Herderen ane Tsammelarts hof ende xii ruden te genen cruce te Spauden wert ende iiii ruden en Dipendael ende vii ruden op Kirgaet ende iiii ruden ane de Steinstrote.

Jocob Gutwerts dogter man^e, van Herderen, iii cop ende i halue ende tfirdeil van i cop van vii ruden lants, lighen en den Bruel.

Johan Gutwert soen, van Herderen, i vaet ende i half van xii ruden lants; des ligt vii ruden en den Eltger wech ende v ruden ten Langen ackere.

Herman Helt, van Herderen, ii vaet ende iii cop ende tfirdeil van i cop van xxii ruden lants; des ligt xii ruden ten Langen ackere ende vii ruden ende i halue bi dat agter Lenuols hof ende iii ruden ende i halue te Vleitingen wert.

Biotere Kunrats wif Scepens, van Herderen, ix cop van xviii ruden lants; des ligt viii ruden neder de went molen te Vleitingen wert ende v ruden ane Herker bosch ende ii ruden bi dat ende ii ruden neder dat te Vleitingen wert^f.

Wiborch op den Berch^g, te Herderen, ii vaet ende i half van i bunre lants; des ligt vii ruden en den Bruel ende v ruden en Rimster boden ende vii ruden ane de Steinstrote neder Herderen⁺ te Meer // wert, ende woren Cloes van Lutke.

+ 129 r^o

a hierboven veren Clementen son, hand L.

b Einechusen doorgestreept en Vletingen bovengeschreven, hand L.

c Gicebrecht op dEnde doorgestreept en her Cloes der pape van Vreren bovengeschreven, hand L.

d hierboven Herman de dis Heinrics dogter heft, hand L.

e Jocob Gutwerts dogter man doorgestreept en Arnout Berthůn van Mer bovengeschreven, hand L.

f in de marge, hand L: diser xviii ruden lants het Cloes van Herke ii ruden lants ende Willem veren Bioteren son dit ander.

g hierboven Cloeskin Meghtilt son, hand L.

+ 129 v^o

[p. 33]

Jute de Smedinne, i cop ende tfirdeil van i cop van ii ruden lants, lighen ane den Holen wech.

De brudere van den Bisen, iiii vaet ende i cop ende i halue van xxxviii ruden lants, woren bruder Heinrics van Herderen; des ligt xv ruden op Dipendael ende xvii ruden ane den Ditwech ende vi ruden en anderside Stitwegs.

De brudere van Herkerode, x vaet van v bunren ende xviii ruden ende i halue lants; des ligt xv ruden op Kirgaet ende xxviii ruden op den Holen wech ende xxv ane Willems bampt agter den Dael ende iii ruden ende i halue op den Puthouel ende xxiiii ruden ane gen cruce te Spauden wert ende xxiii ruden ane gen witkene ane den Ditwech. Van desen vorgesegden lande es ii bunre seel lant.

Woutere der Brudere, van Trigt^a, vii cop van xiii ruden lants; des ligt viii ruden ane Kalmans mercs ende v ruden ane Tsammelarts hof^b.

Willem Bougart, van Trigt, de rader mact^c, ii vaet ende i half van xxi ruden lants; des ligt vii ruden en ii stucken ane de Gisel mercs ende vii ruden en den Eltger boden ende vii ruden ane den Molen wech.

Thyloy Pankuken dogterman, van Trigt^d, iii cop ende tfirdeil van i cop van vii ruden lants, lighen ten Langen ackere.

Heinric van Lutke Lisbeden soen Strempels^e, v cop van x ruden lants; des ligt v ruden op Eltger velt te Spauden wert ende v ruden agter Csitsberch en Vroen dael.

Rubin der Kordwenre, van Tongren^f, v cop van x ruden lants, lighen en Dipendael.

Arnout der Brudere, van Rutten^f, ii vaet ende i half van i bunre lants, ligt en Dipendael.

a Woutere der Brudere van Trigt doorgestreept en Herman de Blanpains dogter heft ervoor geschreven, hand L.

b bijgeschreven, hand L: dese v ruden sin dis hůs van den Bissen, Godenuls van Werme.

c Willem Bougart van Trigt de rader mact doorgestreept en ein pape van Tongeren ervoor geschreven, hand L.

d Thyloy Pankuken dogterman van Trigt doorgestreept en Cloes van Herke bovengeschreven, hand L.

e H. van Lutke Lisbeden soen Strempels doorgestreept en Conroet Moor van Herderen bovengeschreven, hand L.

f Rubin der Kordwenre van Tongren en Arnout der Brudere van Rutten doorgestreept; in de marge, hand L: dese twe stucke helt Cloes van Herke.

f Rubin der Kordwenre van Tongren en Arnout der Brudere van Rutten doorgestreept; in de marge, hand L: dese twe stucke helt Cloes van Herke.

[p. 34]

⁺ Thilen van Spauden, iii cop ende tfirdeil van i cop van vii ruden lants, lighen en den wech tusschen Spauden ende Herderen.

Jute ende Megtelt van Herderen, becginen van Trigt, vi vaet ende iii cop van ii bunren ende xviii ruden ende xvi rop lants; des ligt xix ruden ende x rop op den Mercs te Meer wert ende ix ruden ende ix rop ane den Bruel en den Mere wech ende v ruden ende x rop ane de mergelhoupe neder Herderen ende vi ruden ende i rop vore genen Berch tusschen Herderen ende Rimst ende iii ruden ende vi rop op Herker bosch ende xv ruden neder dat en den Eltger boden^a.

Heilif Venken wif, van Milne^b, i cop ende tfirdeil van i cop van den derdeile van i vregten lants, ligt op den Puthouel.

Grite Cloes wif Smets, van Lutke, vii cop ende i halue van xvi ruden lants; des ligt viii ruden en Dipendael^c ende iiii ruden ane Tsammelarts hof^d ende iiii ruden ane Kalwarts mercs^e.

Summe ii mudde ende v vaet ende i cop. Alle summen iiii mudde ende xii vaet ende iii cop. Des geit af i joncfrouwen van Trigt x vaet ende i half. So bliuen ons iiii mudde ende ii vaet ende i cop sleic, dats iii mudde ende vi vaet ende i half gehoupt^f.

Van desen vorgesegden lande dat koren gilt, es i igelic bunre sculdech vii d. en senter Meis dage ende ii vaet ende i half orskorens sleic te haluen merte. Ein igelic bunre van desen seluen lande gilt x d. af te gone ende x d. ane te gone. De huue van desen seluen lande es sculdech c walme ende iii hunre ende ix ieire.

⁺ Gisilbret van Asse, vi vaet rogghen Trigts van i bunre lanst, vas eren Lambert van Asse^g.

⁺ Heinric Montken, van Kolmont, iii modde roghen Tvngers van alden gude dat he hauden es van den hove van Herne: ten erstene^h i half bunre loet gvts, ende xv ruden en xv ruden do Wessels wif hor liftogt ane heft, dats lein. Dats og te wetene,

+ 130 r^o

a in de marge, hand L: dit lant heft dit hůs van den Bissen.

b Heilif Venken wif van Milne doorgestreept en Herman de Blancpains dogter heft bovengeschreven, hand L.

c hierboven dese viii ruden lants sin Weulfgins dogtere, hand L.

d hierboven dese iiii ruden lants sin oec Weulfgins dogtere, hand L.

e hierboven dese iiii ruden sin Růscharts, hand L.

f bijgeschreven, hand W: des gheit af xix vat ende ½ cops.

+ hand D

g onderaan de bladzijde, hand L: Summe van den lande xliiii bunre lants.

+ 130 v^o hand C

h erste met ne boven de regel toegevoegd.

[p. 35]

wert dat he des pagts nit en gulde, dat we loes ende ledig tonsen lande wren. Dese iii modde kogt we weder Mose ende Willem sinen bruder de scnidere.

Johan Wessel^a, van Repe^b, ii modde roghen ende i half vaet^c Tvngers van i bunre lants; des ligen xv ruden en ene stucke, en ii ruden ende ene halve, en do bi ii ruden ende ene halve, al lein van Herne. Wert og dat men den pagt niet en gulde sente Iohans messe, so moge wi loes ende ledig tvnse lande varen.

Johan van Bobbenheim, i modde roghen Tvngers, Tvngeren te liueren, van xv ruden lants; des ligt ix ruden ende i halue ob di Herstrote; item v ruden ende xix ruden ende i halue bi sine hoef te Korterse wert.

Idem Johan, i modde roghen Tungers, Tungeren teliveren, van xviii ruden lants, ligen bi den^d hoef^e te Bobbenhem bi sin iii bunre, ob assodon voruuorde of der pagt sent Johans messe nit vergouden en were, dat wer los ende ledig tunsen lande vuren. Dis drage we anden rigtere^f ende ane de schepen.

Melis van Bommershouen, i modde roghen Tungers, Tungeren te liueren, van xii ruden lants; des ligt vi ruden ob Goutber ende iiii ruden ob den weg te Bushouen wert; item ii ruden bi Meidehouen.

Der iore vns Heren m^o cc^o lxxxxvii, des donresdags no sente Iohans dag baptiste, du nam Wouter van Tvngeren der molenere en erve di molen te Berghouen ombe viii modde roghen Tungers, Tungeren te liueren en sente Andris dage, ende ombe i pennic⁺ sens. Des satter vns te plegte xxv ruden lants; des ligt // xv ruden bi Vonim ende helt wese van den heren van der cleinre tofelen van Lugge ende gelden iiii d. sens ende i copi ende es loet draf bruder Reinere van Tvngeren^g, ende i hauf bunre ligt enden acker van Ketsingen ende gelden vi d. te scense^h ende des es Kolenere loet van Tvngerenⁱ, her Jocobs van Malle. Over dese

a Johan Wessel doorgestreept en Willem Michils son bovengeschreven, hand L.

b Repe doorgestreept en Colmont bovengeschreven, hand L.

c ende i half vaet doorgestreept.

d den boven doorgestreept sinen.

e hof met e boven o.

f i uit e of omgekeerd.

+ 131 r^o

g Reinere van Tvngeren doorgestreept en Dummoes van Aken der prister bovengeschreven, hand L.

h bijgeschreven, hand L: den kenden van Malle.

i hier doorgestreept: Du geschide do we.

[p. 36]

woruorde so was her Heinric van Rixhinen der heren meiere, Arnvnt van Voneim ende Matheus, Willem der Keisere ende Willem der Temmerman van Rixhingen, Lambregt van Ketshingen, Lambregt van Tungeren der kvlsere, ende dit soleve verrigten te houe ende he eist vns wider sculdich^a.

⁺ Johan Kole uan Rudichouen, ix vaet rogghen Trigts, ten Bissen teleuerne, wan x ruden oue luttel me, ligen bi Rudekouen.

a door deze post is een kruis getrokken.

+ hand D

⁺ (Willem ende Lambrecht sin bruder van Manzhouen)

De jor ons Heren m ccc ende ix in sint Egidius dage, due worden dese vurwerden gemact te Bůmershouen achter Milis hof. Do kochte we weder Willem ende sinen bruder Lambrechte die kent van Manzhouen, v mudden roghen Tungers, Tungeren te leuerne alle ior in sint Andris dage, vm v pont groter tornose die ons gouen die iuncfrowen van Herderen Jutte ende hor suster Mechtilt, ende satten ons die selue gebrudere iii bonre ende ein halft gůtz lants tonderpande, die gelegen sin vur den hof te Manzhouen ane einen stucke ende bi die eike. Ende also weir dat sake dat si ons den vurgenomden pacht uit en hedden volgouden te penxsten, so mocht we varen tonsen onderpande as tonsen vrien erue. Dit kennen die loete ende dit sin hor namen: Milis, Johan Schop, Godert Neue, Lambrecht der Weuere, Heinrich der Weuere van Graet, Herman van Haren, Willem veren Konegonde son ende Willem van Kuckelborne. Oec kanden die loeten do, dat dit erue hadde gewest lein, ende dat si gesien hadden open letteren wale besegelt met hangenden ingesegele mins heren van Falkenburg do mede he dit gůt gevrijt hadde, ende is noch vri. Oec satten ons di vorgenomde gebrudere Willem ende Lambrecht dese vorgesprokene iii½ bonre lants te iii d. cens, orkonde der loete di do vore genomt sin. Do sat we hon te loete Kůnen van Wellen onsen wenne te Bumershouen. Dit lant gilt ter sukene as vele as te cense. Hi ouer woren bruder Gerat van Loen ende der scheffenere bruder Dummoes van Oken der priester.

Van desen gůde te werenne jor ende dach sint burgen Willem van Nijsheim ende Herman Manzhouen. Dit gut is der petancen.

+ hand L

⁺ (Willem van Nederheim)

De jor ons Heren m ccc ix, due gaut den irsten pacht in sint

+ 131 v^o

[p. 37]

Andris dage Willem van Nederheim, Tungeren te leuerne, xx vaet Tungersser moeten. Des bewiste he ons ii vaet erf pachs die^a heme thůs van den Bissen schuldich was van gůde dat gelegen is te Linne bi Husselt. Die ander xviii vaet Tungers die he ons erfliche jorgelichs gelden sal, die bewijste he ons vp ii bůnre lants die he ons tonderpande satte, die gelegen sin beneden Husselt te Bilsen wert aent Bruec ende aen einen stucke dat helt ii bunre ende xvii grote růden ende heit aent Eichout ende is hůflant; des sal man ons ii bůnre lants aue meten aent ouerste ende ten berge wert. Ende sin dit onse vurwerden: weir dat sake dat ons de selue Willem onsen pacht nit betalt en hedde in sint Johans dage baptisten, so kennint ons die schepennen dat wir dis^b nesten dags mogen varen sonder ammeniren ende sonder gedinge tu denen gůde as tonsen vrien erue; dis ii bunre, do sin wir inne vur hof ende vur here, orkonde richtere ende schepene, ende des is loet van dis hůs wegen Cloes dis Bartscheris son. Ouer dese vurwerden woren dese die hie geschreuen sin: ten irsten Willem van den Cruce as richter ende schepene: Johan Montkin, Johan Buckinc, Willem vp den Berg, Johan Bebbe, Cloes van den Stocke, Lambrecht van Linne, bruder Gerart van Loen, bruder Dummoes der scheffenere. Dis gůts jor ende dach te werene ende drin te haudene sonder auelosonghe ende al aensproke aue te důne, des sint^c burgen: Godert van Nederheim Willems bruder ende Johan Bebbe. Dit geschiede te Husselt tuysschen die vier bencke. Dit gut wart gekocht mit der juncfrouwen gelde van Schalůn. Dit gůt is der petancen.

a hier wer doorgestreept.

b i uit e.

c hier brud doorgestreept.

(Johan Buckinc van Hůsselt)

Item Johan Buckinc van Husselt, ii vaet Tungers, Tungeren te leuerne erflike in sint Andris dage, van gůde van den Wiere. Des haet he ons tonderpande gesat iiii groet růden lants, ligghen vp Nedervelt, ende is huflant.

⁺ De jor ons Heren m ccc x, dis sondags no penxsdage, due kochten bruder Dummoes der scheffenere van den Bissen i modde roghen Tungers, Tungeren te leuerne erflike in sent Andris dage, tgeghen Katerine Papen suster van Rudekouen ende Johan van

+ 132 r^o

[p. 38]

Loen horen anderen manne, vp ein bůnre lantz dat man helt van den huse van den Bissen, do is loet aue de selue bruder Dummoes; des lict xvi ruden ter Lehcde ende iiii ruden vp den Steinbergh achter Rudekouen. Ende was dit nemlike erue Willems der seluen Katerine soenz den si hadde van horen irsten manne ende was home erstoruen van sinen vadere. Dis selue Willem gaf dit nemlike erue sinen bruderen die sin muder hadde van^a anderen mannen, in rechter almůssen. Ende dů wir dit gůt chogten, do quam Henkin Katerinen son de te sinen dagen komen was ende ontfienc sin belanc van sinre můder die hor togt drane hadde, ende dede des gnůch te houe ende verteigs vur die loeten. Ende want Katerinen ander kindere Henkinz brudere nit gedagt ende woren, noch des seluen erfs nit gnůch důn en mochten, so quam Willem Pape Katerinen bruder der kinde oeme, ende sat ons xiii ruden lantz die gelegen sin te Weirt aent Bruc, die man helt van den hoeue van Ouerspauden ende gelden xii d. cens den here van Lewe, do is loet aue bruder Dummoes van Oeken, ende sat se mit aldus gedoenre vurwerden: wanne die kindere te horen daghen komen sin, so sulen si komen vur den hof ende de loeten ten Bissen ende sulen des erfs vertien ende ons gnůch důn. Weir dat sake dat si des nit en deden noch důn en wolden, so souden die xiii ruden lantz onse erue bliuen. Wanne oec dat geschiet dat die selue kint des nemlichs bůnre lantz vertien ende gnůch ons gedůn ende wir drin veriert sin, so sul we sine xiii ruden lantz quiit schelden. An dit nemlike gůt dit bunre lantz, do hadde we vore ein modde roghen ane erflike e wir dit ander modde kogten tgegen Katerinen. Dit gůt is der petacen.

De jor ons Heren m ccc ende x, due coghte bruder Dummoes der scheffennere i modde roghen Tungers, Tungeren te leuerne, erflike thgeghen Johan van Haren, vp ein bůnre lantz, lict bouen den borne de int Bruc lict beneden Bůmershouen, ende helt dat stucke lantz xxxv grote růden. Weir dat sake dat ons Johan den eruen pacht jorgelics int sint Andris dage nit en gulde, so sulde wer varen tů denen lande as tonsen erue, ende sulde man ons meten ein bůnre lantz van den xxxv ruden ende sulde mant ons aent nederste ende te Brucke wert ane meten vaste vpwert te wege wert de te Haren wert geit. Dis lants wart ons gnůch gedoen te Loen vnder die linden vp den kirghoue vur die eigensgenoeten,

a hier is blijkbaar horen uitgekrabd.

[p. 39]

ende was dit lant Johans wifs dowarie van Haren, ende quam do Johan van Haren ende Kerstine sin wif ende Lambret van Werme der nemliker Kerstinen bruder ende hor mombor, ende drůch die nemlike Kerstine ende hor mombor Lambrecht met gesamender hant dat gut vp ints richters hant. Do entfinct Kunoy van Sassenbruc as van dis hůs wegen van den Bissen. Die nemlike Kerstine, want dat gut hor duwarie was, so gelofde sie met hore trouwen ende swurt ten heiligen, dat si noch nieman van horen wegen dat nemlike bůnre lantz nummerme ane en^a gespreke noch engekalengirde. Do was ouer Lonis Jůde as richtere, ende Kempe ende Konoy van Sassenbruch, ende Milis ende Heine sin son van Bůmershouen as eigens genoten ende anderre eigenz genoten me. Dit geschiede in den seluen jore in sinte Gilis ouende.

⁺ Die jor vns Heren m^mo ccc^mo xv, due besat Vouter van Linne Henrics Carle bruder den huse van den Bijssen iiii vaet roggen Tungerscher moete erflike op ix ruden lants ende i halue, lighen te cruce, die gelden Willeme van Nederheim i cop gronts cens ende den pape van Werme iiii s. iii suartte vor den Engelschen. Hie in dede vns Willem van Nederheim als here. Do ouer was Cloes van Linne, Lambrecht van Linne, Henric van Linne als ghesuoren loet ende ander gůde lůde. Des is loet Cloes van Reke.

Item de selue Wouter Henrics Carle bruder besat den huse van den Bijssen ii vaet rogghen Tungerscher moete erflike op i hof, ligt te Linne, het der Denghe hof, ende gilt Willeme van Nederheim i d. cens ende den pape van Herne iii s. drie suartte vor den Engelschen. Hie in dede vns Willem van Nederheim als here. Do ouer was Cloes van Linne, Lambrecht van Linne, Henric van Linne als ghesuoren loet ende ander gůde lůde. Des is loet Cloes van Reke.

Goduert Kerstions son van Groetloen gilt i modde rogghen Tungerscher moete ende Tungeren leuerne, van i bunre lants. Des ligt ½ bunre op ten Bergh, heit Kuckelborne; item iiii groet ruden op den seluen bergh; item v groet ruden ende viii cleine onder denen seluen bergh aen Langhen bampt in twe stucken; item xii cleine ruden op die Herstroete do wer geit van Brucheim te Loen wert.

Dirken van Zammael gilt iiii vaet rogghen Tungers, Tungeren

a ende met uitgekrabd afkortingsteken.

+ 132 v^o hand J

[p. 40]

te leuerne, erflike van x ruden lants, lighen aen Bachushof ende gelden i o. cens den huse van den Bijssen te Repen in den hof.

⁺ (Godert Brif)

De jor ons Heren m ccc xx, du gaut den irsten pacht Godert Brif der smet van Bilsen, iii vaet roghen Trichs, Tricht te leuerne erflike, van xii ruden lants, die geleghen sin an Vursten eike. Dar tů heft he ons gesat tonderpande iii ruden lants die an die xii ruden lants lighen. Dese xii ruden lants ende dese iii ruden lants helt man te leine van minre vrouwen der abdissen van Bilsen.

+ hand L