Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

[p. 64]

XLIV.

⁺ 1475. - Copie van eender messe de weke, sdonderdaeghs, waer toe staet x s. gr., besedt up dander heelft vanden tween huusen ande Waelpoorte, toebehorende Lieven de Rave; vallende de rente ooc te Kerssavonde.

‘Kenlic zij allen lieden dat uute dien dat voortijts wijlen Heynderic Smaut ordonneerde ende maecte in ziin testament, ter eere van Gode, Marie ziinder ghebenedider moeder, ende allen heleghen, in quitenessen van ziinder ziele ende in lavenesse van allen saleghen zielen, een erfelike messe de weke ghedaen te hebbene int godshuus datmen eedt Sente Jans ende Sente Pauwels huus ter Waelpoorten, daer of dat Lievin de Rave, mueleneere, als in huwelike begrepen hebbende Katheliinen Smauts, svors. Heyndericx nichte, daer hij oem af was, als haer gheghift ziinde bijden selven Heyndric int gheel derde van al siinen goede, metten commere daer an clevende; so eyst dat de selve Lievin, achtervolghende dien, commen es voor scepenen vander Kuere in Ghend, kende ende lijdde dat hij ooc in quitenessen van hem selven gheordonneert heeft een eeuwelike messe de weke ghedaen te werdene int vors. godshuus, te wetene telken donderdaghe...’ Voorwaarden en besprekingen eensluidend als in het voorgaande stuk. ‘Dit was ghedaen den XXIX^sten dach van novembre int iaer XIIII^e vive ende tseventich...’

(Geteekend:) J. Bucxstale.

+ F^o LV.