Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

XLIII.

⁺ 1474. - Copie van eender messen de weke, alle maendaghe; de rente, x s. gr. tsiaers, besedt up de heelft van ii huuse bijder Waelpoorten, Gheeraert de Brune⁽¹⁾ es ghehuust an deen sijde, ende de veste vander Waelpoorten an dandere, vallende te Kerssavonde.

‘Kenlic zij allen lieden dat Magdaleene van Nieneve, haer selfs wijf ziinde, commen es voor scepenen vander

+ F^o LIIII.

(1) In het volgend stuk wordt hij genaamd: ‘Gheeraert de Brune, smet...’

[p. 63]

Kuere in Ghend, kende ende lijdde dat so, uut goeder jonst, gherechtegher devocien ende mids sekeren redenen haer daer toe purrende, ter salichede van harer zielen ende van allen zielen daer zoes over begheerende es, gheordineert heeft eene eeuwelike ende erfelike messe de weke, ghedaen te werdene int godshuus dat men eedt Sent Jans ende Sente Pauwels huus ter Waelpoorte, te wetene elken maendaghe...; ende hebben gheconsenteert Jan van Vlaenderen ende Gheeraert de Brune, als vooghde vanden selven godshuuse, ende joncfr. Gheertruut sBrukers, als meesterigghe, over hemlieden ende over huerlieder naercommeren, die vooghden ende meesterigghe siin sullen, gheconsenteert ende ghewillecuert, bij consente van scepenen, als uppervooghden, waert so dat sij in eenighe weke de vors. messen faulten lieten ende niet en daden doen up den vors. maendach, dat sij dan, ten coste ende laste van svors. godshuus goediinghen, voor elke messe also faultende, gheven, betalen ende overlegghen sullen vive grōn vlaemschs, tsanderdaeghs naer de selve faulten, ende dat ten profijte vanden provengiers vanden selven godshuuse, boven huerer daghelicxscher provende die zij andersins hebben; emmer wel verstaende dat inde selve vive gron., diemen also over de vors. faulten gheven saude, de meesterigghe die nu es of naermaels wesen sal, niet en sal moghen deelen noch profijt hebben, omme dat so bet besorghen sauden datter gheene faulte en viele vander selver messe. Hier over stont als landheere,..Jan de Roovere, als procuruer ende ontfanghere van meester Jan ser Sanders. Dit was ghedaen den XXIII^sten dach van laumaent int iaer XIIII^e viere ende tseventich...’

(Geteekend:) G. Scaubrouc.