Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

[p. 55]

XXXIV^bis.

⁺ 1426. - Copie van vi pont groote, ghegheven den godshuuse om mede te coopene iiii s. gr. erfelic, in vermeersiinghen vanden xviii s. gr. tsiaers, gheordonneert om twee messen de weke, begrepen in de voorscreven copie.

‘...Jan Valke, f^s Fransoys, ende Katheliine Martins, siin wettelic wijf..., aensiende dat de priesteren die de messen ghehauden werden te doene naer de maniere vander vors. copien, maer hebben en sauden van elker messen II gr. of lettel meer, dat sober ghenouch es, also hemlieden in consciencien diinct, commen siin eendrachtelic voor scepenen ende hebben in vermeersiinghen ende beteriinghen vanden vors. dienste, ghemaect, gheordineerdt ende ghegheven, maken, ordineeren ende gheven de somme van zesse ponden grooten...omme den vooghden...te coopene viere scelle groote tsiaers eeuweliker ende erfeliker renten, te hulpen ende vermeersiinghen vanden vorn. dienste. Mids welken de vors. persoonen uterlic willen ende begheeren dat de priesters die de vors. messen doen sullen, dan sullen hebben van elcker messen, VII inghelsche; ende tsourpluus dat daer boven goet comt, datmen datte distribueren ende bekeeren sal in de ghemeene cuekene vanden vorn. huus, ten nutscepe, orbuere ende profijte vanden aermen int selve huus ziinde...Dit was ghedaen den XXIIII^sten dach in ianuario int iaer XIIII^e ende XXXVI...’

(Geteekend:) Nokerstoc.

+ F^o XLVI v^o.