Het godshuis van Sint-Jan & Sint-Pauwel te Gent, bijgenaamd de Leugemeete

Oorkonden

XXVII.

⁺ 1404. - Copie van drie ponden xiiii s. par., besedt up derve bachten den Ynghelkiine inde Langhemunte.

‘...Jan Scalloot commen es voor scepenen vander Kuere in Ghend, kende ende lijdde dat hij, Gode voor ooghen hebbende, heeft ghegheven ende gheeft in purer aelmoessenen ende om Gode int hospitael ende godshuus van Sente Jans huus ende Sente Pauwels ter Waelbrugghen, de somme van drien ponden XIIII s. parisise tsiaers ervelic, die hij heeft up derve bachten den Inghelkiine, inde Langhe Munte, daer dbruhuus up staet inde Stoof steghe, omme de vors. ervelike rente stappans, Janne Scalloot vorn. ghevaren siinde van live ter doot, ghedistribueert te wesene van dan voort in, alle jare eeuwelic duerende, in deser manieren dat elke vander acht susteren provendierigghen in tvors. godshuus sullen hebben ses scelle parisise tsiaers; ende tsourpluus...sal tgodshuus hebben...Van welker vors. erveliker rente...Baudin Goethals ende Gillis vander Duust, proviserers ende vooghde, inde name vanden hospitale ende godshuuse vors., waren wettelic toe ghedaen, daer inne gheherft ende ghegoedt als in

+ F^o XXXIX.

[p. 48]

sgodshuus ende der susteren proper goet ende ervelike rente, behauden der bladiinghen te Jans Scalloots live, also vors. is. Mids welker aelmoessenen van erveliker renten voorscreven de vors. proviserers ende vooghde, ter beden ende begheerten van Janne Scalloot vorn., hebben gheconsenteert ende ghegheven bij consente van scepenen vander Kuere, als overvooghde, Yden Goedernaems, des vors. Jans joncwijf ende nichte, de provende vanden vors. godshuuse die ter tijt van nu ghevallen es bij der doot van Marien Clauwaerts, metter cameren ende metten rechte dat dander provendierigghen hebben; dies en begheert Yde vors. noch en sal bate heffen noch commer noch last van dienste noch andersins draghen, also langhe als Jan haer meestere leven sal; ende ghevielt dat naer den tijt dat Katheliine tSeelanders hare camere ghecoren sal hebben, eeneghe camere viele die Yden bet ghenouchde dan de vors. camere die haer ghegheven es, dat so dese camere sal moghen laten ende dander anveerden ende gebrukene; ende ter doot van Janne Scalloote sal de vors. Yde harer provenden gebruken metten laste datter toe staet. Dit was ghedaen den XXIIII^sten dach van octobre int iaer...dusentich vierhondert ende viere...’

(Geteekend:) Tholvin.