Een gheestelijck lust hofken

Met schoone lieffelijcke geestelijcke ghesanghen beplant, door eenen Catholijcken pastoor

I I I I.

IEsu dulcis memoria
Dans vera cordi gaudia,
Sed super mel & omnia
Ejus dulcis praesentia.

Nil canitur suavius,

Auditur nil jucundius,
Nil cogitatur dulcius
Quam Iesus Dei filius.

[p. 31]

 

Iesu spes poenitentibus.

 

Quam pius es petentibus !

 

Quam bonus te quaerentibus ?

 

Sed quid invenientibus.

 

Iesu dulcedo cordium,

 

Fons vivus, lumen mentium

 

Excedens omne gaudium,

 

Et omne desiderium.

 

Nec lingua valet dicere,

 

Nec littera exprimere,

 

Expertus potest credere,

 

Quid sit Iesum diligere.

 

Iesu Rex admirabilis,

 

Et triumphator nobilis,

 

Dulcedo ineffabilis,

 

Totus desiderabilis.

 

Mane nobiscum Domine,

 

Et nos illustra lumine,

 

Pulsa mentis caligine,

 

Mundum replens dulcedine.

 

Quando cor nostrum visitas

 

Tunc lucet ei veritas,

 

Mundi vilescit vanitas,

 

Et intus fervet charitas.

 

Amor Iesu dulcissimus

 

[E]t verè suavissimus:

 

[P]lus millies gratissimus,

 

[Q]uam dicere sufficimus.

 

Qui te gustant esuriunt,

 

[Q]ui bibunt adhuc sitiunt,

 

[D]esiderare nesciunt

 

[N]isi Iesum quem diligunt.

[p. 32]

 

Quem tuus amor ebriat,

 

Novit quid Iesus sapiat,

 

Quem felix est, quem satiat ?

 

Non est ultra quod cupiat.

 

 

 

Desidero te millies,

 

Mi Iesu! quando venies,

 

Quando me laetum facies

 

Vt vultu tuo saties ?

 

 

 

O Iesu mi dulcissime !

 

Spes suspirantis animae,

 

Te quaerunt piae lachrymae,

 

Et clamor mentis intimae.

 

 

 

O beatum incendium !

 

Et ardens desiderium

 

O dulce refrigerium !

 

Amare Dei filium.

 

 

 

Laus, honor, virtus, gloria,

 

Deo Patri in saecula

 

Cum Iesu Christo filio,

 

Et Spiritu Paraclito, Amen.