Den gheheelen Bybel, Inhoudende het oude ende nieuwe Testament (Leuvense bijbel 1548)

Dat ierste Capittel.

1

⁺DATTER gheweest is van tbeghinsel, dat wy ghehoort hebben, dat wy ghesien hebben met onsen ooghen, dat wy doersien hebben, ende dat onse handen ghehandelt hebben, van dwoert des leuens,

+ A

2

(ende het leuen is gheopenbaert ende wy hebbent ghesien, ende wy ghetuyghent, ⁺ende wy vercondighen v lieden het eewich leuen dat by den vader was ende is ons gheopenbaert)

+ B

3

dat wy ghesien hebben, ende ghehoort vercondighen wy v lieden op dat ghi oock moecht gheselscap hebben met ons ende dat onse gheselscap sij metten vader ende met sijnen sone Iesu Christo.

4

Ende dese dinghen scrijuen wy v lieden om dat ghi blijde soudt wesen, ende dat v blijscap mach vol wesen.

5

Ende dit is die vercondinghe die wy van hem ghehoort hebben, ende vercondighent v lieden. ⁺Dat Godt dlicht is, ende dat in hem gheen duysternissen en sijn.

+ C

6

Eest dat wy segghen dat wy gheselscap met hem hebben, ende in duysternisse wandelen, soo lieghen wy en doen die waerheyt niet.

7

Maer eest dat wy int licht wandelen, ghelijck hy in dlicht is, soo hebben wy gheselscap tot malcanderen, ende tbloet Iesu Christi sijns soons suyuert ons van alle sonde.

8

Eest dat wy segghen dat wy gheen sonde en hebben, ⁺soo bedrieghen wy ons seluen, ende die waerheyt en is in ons niet.

+ D

9

Eest dat wy onse sonden belijden. Hij is ghetrouwe ende rechtuerdich om ons onse sonden te vergheuen, ende ons te suyueren van alle ongherechticheyt.

10

Eest dat wy segghen dat wy niet ghesondicht en hebben, soo maken wy hem loghenachtich, ende sijn woert en is in ons niet.