Den gheheelen Bybel, Inhoudende het oude ende nieuwe Testament (Leuvense bijbel 1548)

Dat ierste Capittel.

+ 1

⁺NAE dien dat Godt hier voormaels menichmael ende in menigherley manieren ghesproken heeft totten vaderen door die propheten,

+ A

2

soo heeft hi ten laetsten in dese daghen tot ons ghesproken door den sone, den welcken hy ghestelt heeft eenen erfghenaem van allen dinghen, door den welcken hi ooc die werelt ghemaect heeft,

3

die welcke (want hy het scijnsel der glorien is, endede die figuere sijns wesens ende alle dinghen draghende door dwoort sijnder cracht suyueringhe der sonden makende) sidt ter rechter sijden van die maiesteyt int hooghe,

4

so veel beter dan die Enghelen gheworden, hoe hy verscheydender naem dan die beerft heeft,

5

⁺want wien vanden Enghelen heeft hy tot eenighen tijde gheleyt. Ghy sijt mijn sone, ick heb v heden voortghebrocht? Ende wederom Ick sal hem tot eenen vader wesen, ende hy my tot eenen sone?

+ B

6

Ende als hy wederom sijnen iersten gheborene sone brengt in die werelt, soo seyt hy. Ende hem moeten aenbidden alle Gods Enghelen,

7

Ende voorwaer totten Enghelen seyt hy. Die sijn Enghelen gheesten maect, ende sijn dienaren een vlamme des viers,

8

Maer totten sone. ⁺Godt uwen throon is van die eewicheyt tot die eewicheyt, een roede der gherechticheyt, is die roede ws rijcs.

+ C

9

Ghi hebt bemint die rechtuerdicheyt, ende ghehaet die ongherechticheyt, daerom heeft God v gesalft uwe God met die olie der vruechden bouen uwe medeghesellen,

10

Ende ghy Heere hebt int beghinsel die eerde gheuesticht, ende uwer handen wercken sijn die hemelen,

11

⁺die sullen vergaen, maer ghy sult altijt blijuen, ende sij sullen alle als een cleedt verouderen,

+ D

12

Ende ghelijck eenen mantele sullen sij veranderen ende sij sullen verandert worden, maer ghy self, sijt die selue, ende v iaren en sullen niet vergaen.

* 13

Maer tot wien vanden Enghelen heeft hy tot eenighen tijde gheseydt. Sidt aen mijn rechte sijde, tot dat ic v vianden stellen sal tot een voetbancxken uwer voeten?

14

En sijn sij allegader niet dienstbarighe gheesten, ghesonden ten dienste om die ghene die de erffenisse der salicheyt sullen ontfanghen.