Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .vi. Capittel.

1

⁺KInderen weest onderdanich uwen ouders inden Heere. Want dat is rechtuerdich.

+ A

2

Eert uwen vader ende v moeder (Dwelck is dierste ghebodt in die belofte)

3

op dat v wel sij, ende dat ghy moecht langhe leuende sijn op die eerde.

4

Ende ghy vaderen en wilt v kinderen niet verwecken tot gramscap, maer voetse op in onderwijsinghe ende straffinghe des Heeren.

5

Ghy knechten weest onderdanich den vleeschelijcken Heeren met vreese ende anxt met simpelheyt ws herten als Christo,

6

niet alleen voer die ooghen dienende, als den menschen behagende, ⁺maer als dienaers Christi doende den wille Gods wter herten,

+ B

7

met eenen goeden wille dienende, als den Heere ende niet den menschen.

8

Wetende dat een ieghelijck soe wat goet dat hy doet, dat sal hy vanden Heere ontfaen, tsij een eyghen knecht, tsij een vrij mensch,

9

ende ghy heeren doet hen desghelijcx achterlatende die dreyghementen. Wetende dat

[p. *883]

die Heere van hen ende van v lieden in die hemelen’is. Ende dat die wtneminghe der persoonen by Gode niet en is.

+ 10

Voerts broeders wort versterct inden Heere, ende in die macht sijnder stercheyt.

11

Doet v seluen aen die wapenen Gods, op dat ghi staen mocht teghen die listighe laghen des duyuels.

12

Want wy en hebben gheenen camp teghen vleesch ende bloet, maer tseghen die princen ende machticheden, teghen die regeerders der werelt van deser duysternissen, teghen die gheestelijcke boosheden onder den hemel.

13

Daer om neemt aen die wapenen Gods, op dat ghy moecht wederstaen in den quaden dach, ende in alle dinghen volcomen staende blijuen.

14

⁺Daer om staet v lendenen opghescort hebbende met die waerheyt, ende aenghedaen hebbende dat pansier der rechtuerdicheyt,

+ C

15

ende die voeten ghescoeyt hebbende tot een bereytsel van dat euangelie des vreedts,

16

in alle dinghen nemende den scilt des gheloofs, in den welcken ghy moecht alle die vierighe pijlen vanden alder boosten wtblusschen,

17

ende den helm der salicheyt neemt aen, ende tsweert des gheests, (dwelck is het woert Gods)

* 18

Doer alle ghebedt, ende smeekinghe biddende altijt metten gheest, ende in hem wakende met alder neersticheyt, ende smeekinghe voer alle die heyleghen

19

ende voer my, op dat my ghegheuen worde dwoert int opendoen mijns monts met betrouwen, om kenlijck te maken die verborghentheyt van dat euangelie.

20

⁺Waervoer ick een legaet ben in die ketene, alsoo dat ic daer in derre spreken alsoot behoort.

+ D

21

Ende op dat ghy oock weten moecht dat my aengaet, wat ick doe, dat sal v al te kennen gheuen Tychicus die alderliefste broeder ende ghetrouwe dienaer inden Heere,

22

den welcken ick tot v lieden ghesonden hebbe om dese selue sake, om dat ghy weten soudt tghene dat ons aengaet, ende dat hy v herten vertroosten soude.

23

Vrede sij den broeders, ende liefde, metten ghelooue van Godt den vader ende den Heere Iesu Christo.

24

Gratie sij met alle den ghenen die lief hebben onsen Heere Iesum Christum in onuerganclijcheyt. Amen.

Hier voleyndt die Epistel van Sinte Pauwels totten Ephesien.