Den gheheelen Bybel, Inhoudende het oude ende nieuwe Testament (Leuvense bijbel 1548)

[p. *881]

Dat .ij. Capittel.

1

⁺ENde ghy doen ghy doot waert uwen misdaden ende sonden

+ A

2

(in die welcke ghy voortijts ghewandelt hebt, nae den loop deser werelt, nae den prince des machts van deser locht des gheests die nv werct in die kinderen der wanhopen

3

onder die welcke wi allegader voortijts verkeert hebben in die lusten ons vleeschs, doende den wille des vleeschs ende der ghedachten, ende waren van natueren kinderen der gramscap ghelijc ooc die andere)

4

Maer God (die rijc is in bermherticheyt) om die ouergroote liefde, waer door hy ons lief ghehadt heeft,

5

⁺heeft ons ooc doen wij doot waren door die sonden, leuende ghemaect met Christo (door wiens gratie ghi salich gheworden sijt)

+ B

6

ende hy heeft ons mede verwect, ende mede doen sitten in die hemelsche plaetsen in Christo Iesu,

7

op dat hy toonen soude in die toecomende tijden, die oueruloedighe rijcdommen sijnder gratien, in goetheyt ouer ons in Christo Iesu,

8

Want door die gratie sijdi salich gheworden door tghelooue (ende dat niet wt v seluen, want het is Gods gaue)

9

ende niet wt die wercken, op dat niemant en gloriere,

10

want wij sijn zijn maecsele ghescapen in Christo Iesu in goede wercken, die God bereyt heeft dat wij daer in wandelen souden,

11

Daerom weest ghedachtich dat ghilieden voortijts waert Heydenen inden vleesche, ⁺die ghenoemt wordet onbesnedene, van die ghene die ghenoemt wort besnijdenisse int vleesch metter hant ghemaect,

+ C

12

die in dien tijden waert sonder Christum, vervreemt van dat borgerscap van Israel, ende vreemt van die testamenten, niet hebbende die hope der beloften, ende sonder Godt in dese werelt,

13

Maer nv in Christo Iesu sijdi die voortijts verre waert gheworden nae by int bloet Christi,

14

want hy is onsen vrede, diet beyde een ghemaect heeft, ende den middelen wandt des onderschutsels brekende te weten die viantscappen in sijn vleesch,

15

die wet der geboden te niet doende, door vaste ordeelen, op dat hy twee maken soude in hem seluen eenen nieuwen mensch, ⁺vrede makende,

+ D

16

ende dat hi die beyde soude vereenighen in een lichaem Gode doort cruys, doodende die viantscappen in sij seluen,

17

Ende comende heeft hy vrede vercondicht, v lieden die verre gheweest hebt, ende vrede den ghenen die by waren,

18

want door hem hebben wij eenen toeganck beyde in eenen gheest totten vader.

+ 19

Daerom en sijdi nv gheen gasten ende vreemdelinghen, maer ghi sijt borghers der heylighen, ende Gods huysghenooten

20

opghetimmert sijnde opt fundament der apostelen ende propheten, den seluen principalen hoecsteen Iesu Christo,

21

inden welcken alle ghetimmerde timmeragie wast op tot eenen heylighen tempel inden Heere,

22

inden welcken ghi ooc mede ghetimmert wort tot een woninghe Godts inden heylighen gheest.