Den gheheelen Bybel, Inhoudende het oude ende nieuwe Testament (Leuvense bijbel 1548)

Dat ierste Capittel.

1

⁺PAULUS een Apostel Iesu Christi door den wille Godts, alle den heylighen die tot Ephesien sijn, ende den gheloouighen in Christo Iesu,

+ A

2

Gratie sij v ende vrede van Gode onsen vader, ende den Heere Iesu Christo.

+ 3

Ghebenedijt sij God ende die vader ons Heeren Iesu Christi, die ons ghebenedijt heeft in alle gheestelijcke benedijdinghe, in die hemelsche gauen in Christo,

4

ghelijck hy ons vercoren heeft inden seluen voor dat maecsel der werelt, dat wij souden wesen heylich ende onbesmet, in sijn aensicht, inder liefden.

5

Die ons te voren gheschict heeft tot die aenneminghe der kinderen Gods, ⁺door Iesum Christum, in hem, nae dat voornemen van sijnen wille

+ B

6

ten loue van die glorie sijnder gratien, in die welcke hy ons liefghetal heeft ghemaect in sijnen beminden sone

7

Inden welcken wij hebben die verlossinghe door sijn bloet (verghiffenisse der sonden) nae die rijcdommen sijnder gratien,

8

die oueruloedich is gheweest in ons, in alle wijsheyt ende voorsienicheyt,

9

dat hy ons soude kenlijck maken die verborghentheyt van sijnen wille, nae sijn wel behaghen, dwelc hy voorghenomen heeft in hem,

10

tot dat bedeylen van die volheyt der tijden, om te vernieuwen alle dinghen in Christo, die in de hemel, ende die in die eerde sijn, in hem,

11

Inden welcken wij oock door een erfdeel gheroepen sijn, te voren ghescict nae sijn voornemen, diet al werct, ⁺naeden raet van sijnen wille,

+ C

12

op dat wij souden wesen ten loue van sijnder glorien, wij die te voren ghehoept hebben in Christo.

* 13

Inden welcken ghy oock hoopte doen ghy ghehoort hadt het woort der waerheyt (het euangelie uwer salicheyt) int welcke ghy oock gheloouende gheteekent sijt metten heylighen gheest der beloften,

14

die den pant is onser erffenissen, ter verlossinghen des vercrijghens, ten loue van sijnder glorien,

15

Daerom ic ooc hoorende v ghelooue welc is inden Heere Iesu, ende die liefde tot alle die heylighen,

16

en houde niet op danckende voor v lieden, v lieder ghedenckenisse houdende in mijn ghebeden,

17

op dat God der glorien, die vader ons Heeren Iesu Christi v lieden gheue den gheest der wijsheyt, ende der openbaringhen, ⁺in sijn kennisse

+ D

18

om verlicht te hebben die ooghen ws herten, op dat ghy weten moecht welck dat die hope sijns roeps is, ende welck die rijckdommen van die glorie sijnder erffenissen sijn, in die heylighen

19

ende welck die bouen al gaende grootheyt sijnder cracht is in ons die gheloouen nae twercken van die machticheyt sijnder cracht,

20

die welcke hy ghewracht heeft in Christo verweckende hem vander doot, ende stellende hem aen sijn rechte sijde, in die hemelsche dinghen,

21

ouer alle ouerheyt ende machticheyt, ende cracht, ende heerscappien, ende allen naem die ghenoemt wordt, niet alleen in dese werelt, maer oock in die toecomende,

22

Ende alle dinghen heeft hy ghestelt onder sijn voeten, ende heeft hy hem ghegheuen tot een hooft ouer die gheheel kercke

23

welc sijn lichaem is, sijn volheyt, diet altemale in al veruult.