Den gheheelen Bybel, Inhoudende het oude ende nieuwe Testament (Leuvense bijbel 1548)

Dat ierste Capittel.

1

⁺PAVLVS een Apostel, niet vanden menschen, noch door eenighen mensch maer door Iesum Christum, ende Godt den vader die hem verwect heeft vanden dooden,

+ A

2

ende die met my sijn alle die broeders, den kercken van Galatien,

3

Gratie sij v ende vrede van Godt den vader, ende onsen Heere Iesu Christo,

4

die si seluen ghegheuen heeft voor onse sonden, dat hy ons verlossen soude van dese teghenwoordighe boose werelt, nae den wille Godts ende ons vaders,

5

den welcken is glorie van die eewicheyt der eewicheyt.

6

Ic verwonder my dat ghy soo haest ouer ghestelt wort van hem die v gheroepen heeft tot die gratie Christi in een ander euangelie,

7

het welc nochtans gheen ander en is, dan datter sommighe sijn die v verwerren, ⁺ende willen verkeeren het euangelie Christi,

+ B

8

Maer al waert by alsoo, dat wij, oft een Enghel wten hemel v Deuangelie preecte anders dan tghene dat wij v ghepreect hebben, die sij verbannen van Gode.

9

Ghelijck wij te voren gheseyt hebben, dat segghe ick nv oock wederom, Eest datter iemant v Deuangelie preeckt anders dan tghene dat ghy ontfanghen hebt, die sij verbannen van God,

10

want rade ic nv om die menschen oft om Gode? Oft begheer ic den menschen te behaghen? Waert dat ick noch den menschen behaechde, soo en soude ick Christus dienaer niet sijn.

11

+ Maer ick make v kenlijck broeders het euangelie dat van my ghepreect is, dat dit niet en is nae den mensche,

12

want ick en heb dat van gheenen mensch ontfanghen, noch gheleert, ⁺maer door die openbaringhe Iesu Christi,

+ C

13

Want ghy hebt somtijts wel ghehoort mijn wandelinghe int Ioetscap, hoe dat ick bouen maten veruolchde die kercke Gods, ende hoe ic die verstoorde,

14

ende ick vorderde in die Ioetscap bouen vele van mijnder ouderdom, in mijn geslachte, veel oueruloedelijcker wesende een naeuolgher van mijnder vaderen insettinghen,

15

Maer doent hem beliefde, die my wtghesceyden heeft wt mijns moeders lichaem, ende gheroepen door sijn gratie,

16

om dat hy sijnen sone openbaren sonde in mi, dat ick dien soude vercondighen onder die Heydenen, ter stont en heb ick niet gheuolcht vleesch ende bloet,

17

noch ick en ben niet ghecomen te Ierusalem tot mijn voorganghers die Apostelen, maer ick ben wech ghegaen in Arabien, ⁺ende ic ben wederom ghekeert in Damasco.

+ D

18

Daer nae, nae drij iaren ben ic ghecomen te Ierusalem om te besien Petrum, ende ick ben by hem ghebleuen vijfthien daghen,

19

anders en heb ic niemanden vanden Apostelen ghesien, dan Iacobum ons Heeren broeder,

20

Ende tghene dat ick v lieden scrijue (siet tis voor Gode) dat ick niet en lieghe.

* 21

Daer nae ben ick ghecomen in die landen van Syrien ende Cilicien,

22

Maer ick was van aensicht onbekent den kercken van Iudeen die in Christo waren,

23

maer sij hadden alleen een ghehoor, Dat die ghene die ons voortijts veruolchde, nv vercondicht het ghe-

[p. *878]

looue, dwelck by somtijts verstoorde,

24

ende in my loofden sij Godt.