Den gheheelen Bybel, Inhoudende het oude ende nieuwe Testament (Leuvense bijbel 1548)

* Dat .xxiiij. Capittel.

+ 1

⁺ENde op een vanden sabboth daghen smorghens seer vroeg sijn sij ghecomen totten graue, brenghende die costelijcke specerien die sij bereyt hadden,

+ A

2

ende sij hebben gheuonden den steen afghewentelt vanden graue.

3

Ende inghegaen sijnde, en hebben sij dlichaem des Heeren Iesu niet ghevonden.

4

Ende tis ghesciet doen sij metter herten hier af verslaghen waren, siet soe hebbender twee mannen ghestaen by hen in blinckende cleederen.

5

Ende doen sij vreesden ende hen aensicht neder ter eerden neychden, soe hebben die tot haerlieden gheseyt, Wat soecti den leuende metten dooden?

6

Hy en is hier niet, maer hy is opghestaen, ghedenct hoe dat hy v lieden gheseyt heeft doen hy noch in Galileen was segghende,

7

dat die sone des menschen moest gheleuert worden in die handen der sondaren, ende ghecruyst worden, ende ten derde daghe verrijsen.

8

Ende sij sijn ghedachtich worden sijnder woerden.

9

⁺Ende wederghekeert sijnde vanden graue hebben sij alle dese dinghen vercondicht dien eluen, ende alle den anderen.

+ B

10

Ende het waren Maria magdalene, ende Iohanna, ende Maria Iacobi, ende die andere die met hen waren, die totten Apostelen dese dinghen seyden,

11

Ende dese woorden hebben voer hen ghescreuen te wesen als dwaserie, ende sij en hebben hen niet ghelooft.

12

Maer Petrus opstaende is gheloopen totten graue, ende hem nederbuyghende heeft hy die lijnen doecken alleen ghesien, ende hy is wech ghegaen, by sij seluen verwonderende datter ghesciet was.

* + 13

Ende siet twee van dien ghinghen opden seluen dach nae een casteelken dwelck lach van Ierusalem een streke van tsestich stadien, ghenoemt Emaus,

14

ende sij spraken tot malcanderen van alle dese dinghen die ghebuert waren.

15

Ende tis ghesciet doen sij coutten ende onderlinghen vraechden dat Iesus selue aencomende ghinck met hen.

16

Maer hen ooghen waren behindert dat sij hem niet en kenden.

17

⁺Ende hy seyde tot hen. Wat sijn dese redenen, die ghy tot malcanderen verhaelt, wandelende, ende sijt droeue?

+ C

18

Ende die eene antwoerdende wiens naem was Cleophas, heeft tot hem gheseyt, Sijdi alleen pelgrim in Ierusalem, ende en weet ghi niet wat daer ghesciet is in dese daghen?

19

Den welcken hy heeft gheseyt, Wat? Ende sij hebben gheseyt, Van Iesu van Nazareth die gheweest is een man, een propheet machtich in wercken ende in woerden, voer Godt ende voer alle tvolck.

20

Ende hoe hem gheleuert hebben die ouerste priesters ende onse princen ter verdoemenisse des doots, ende hebben hem ghecruyst,

21

maer wy hoepten dat hy Israel soude verlossen. Ende bouen alle dese dinghen eest heden den derden dach, dat dese dinghen ghesciet sijn.

22

Maer oock sommighe vrouwen vanden onsen hebben ons veruaert, die voer dlicht gheweest hebben aent graf,

23

ende als sij sijn lichaem niet gheuonden en hadden, soe sijn sij ghecomen segghende, dat sij oock een visioen der enghelen ghesien hebben, die welcke segghen dat hy leeft.

24

Ende daer isser sommighe van ons lieden ghegaen totten graue, ende sij hebbent alsoe gheuonden als die vrouwen gheseyt hebben, maer hem en hebben sijn niet gheuonden.

25

Ende hy heeft tot hen gheseyt, ⁺O ghy dwase ende traghe van herten om te gheloouen in alle die dinghen die die propheten ghesproken hebben.

+ D

26

En heeft Christus dese dinghen niet moeten lijden, ende alsoe gaen in sijn glorie?

27

Ende beghinnende van Moyses ende alle die propheten, bediede hy hen in alle die scriftueren die saken die van hem waren.

28

Ende sij sijn ghecomen by dat casteelken daer sij henen ghinghen, ende hy veynsde hem verder te gaen.

29

Ende sij hebben hem ghedwonghen seggende, Blijft by ons, want het wort auont, ende den dach is nu neder ghegaen. Ende hy is met hen binnen ghegaen.

30

Ende tis ghesciet als hi met hen ter tafelen sadt dat hi ghenomen heeft dat broot ende heeft dat ghebenedijt ende gebroken, ende hy gaeft hen.

31

Ende hen ooghen sijn gheopent ende sij hebben hem ghekent, ende hy is verswenen wt haren ooghen.

32

Ende sij hebben tot malcanderen gheseyt, En was ons herte niet berrende in ons, ⁺doen hy sprack opden wech ende ons die scriftueren opende?

+ E

33

Ende opstaende op die selue vre sijn sij wederom gheghaen in Ierusalem. Ende sij hebben vergadert vonden die elue, ende die ghene die met hen waren,

34

segghende, Dat die Heere warachtelijck opghestaen is, ende heeft hen gheopenbaert Simoni.

35

Ende sij vertelden die dinghen die ghesciet waren inden wech, ende hoe dat sij hem ghekent hebben int breken des broots.

* + 36

Ende als sij dese dinghen spraken, soe stont Iesus int midden van hen, ende hy seyt tot hen, Vrede sij v, Ick bent, en wilt niet vreesen.

37

Maer sij verbaest sijnde ende verscrict meynden dat sij eenen gheest saghen.

38

Ende hy heeft hen gheseyt, Waerom sijdi verbaest, ende die ghedachten climmen op in v herten?

39

Besiet mijn handen ende voeten, dat ict selue ben, tast ende siet, ⁺want eenen gheest en heeft gheen vleesch ende beenderen ghelijck ghy my siet hebben.

+ F

40

Ende doen hy dit gheseyt hadde, soe heeft hy hen ghetoont handen ende voeten.

41

Ende doen sij noch niet en gheloofden ende verwondert waren van blijscap, soe heeft hy gheseyt, Hebdi hier iet datmen ete?

42

Ende sij hebben hem ghebracht een stuck van eenen ghebraden visch, ende honich rate.

43

Ende doen hy gheten hadde voer hen, nemende die bleuelinghen heeft hy hen die ghegheuen.

44

Ende hy heeft tot hen gheseyt, Dit sijn die woerden die ick ghesproken hebbe tot v lieden, doen ick noch met v lieden was. Dat volbracht moesten wesen, alle die dinghen die ghescreuen sijn in Moyses wet, ende in die Propheten ende Psalmen van my.

45

Doen heeft hy hen tverstant gheopent, dat sij die scriftueren souden verstaen,

46

ende hy heeft hen gheseyt, ⁺Datter alsoe ghescreuen is, ende alsoe moest Christus lijden, ende verrijsen van die dooden ten derden daghe,

+ G

47

ende datter ghepreect soude worden in sijnen naem penitencie, ende vergiffenisse der sonden onder alle die luyden. + Beghinnende van Ierusalem.

48

Ende ghy sijt ghetuyghen van desen dinghen.

+ 49

Ende ick seynde die belofte mijns vaders in v lieden. Maer sidt ghy in die stadt, tot dat ghi aenghedaen wort met die

[p. *815]

cracht wten hooghen.

50

Ende hy heeftse buyten gheleyt in Bethanien. Ende sijn handen hooghe opghehauen hebbende, heeft hy hen ghebenedijt.

51

Ende tis ghesciet doen hy hen benedijde dat hy van hen ghesceyden is, ende hy worde gheuoert in den hemel.

52

Ende sij aenbiddende sijn wederghekeert in Ierusalem, met grooter blijscappen,

53

ende sij waren altoos inden tempel louende ende ghebenedijdende Godt. * AMEN

Hier voleynt het Euangelie van S. Lucas.