Den gheheelen Bybel, Inhoudende het oude ende nieuwe Testament (Leuvense bijbel 1548)

Dat ierste Capittel.

+ 1

⁺DEN boeck der generatien Iesu Christi des soons Dauid, des soons Abraham,

+ A

2

Abraham heeft ghegenereert Isaac, Ende Isaac heeft ghegenereert Iacob, Ende Iacob heeft ghegenereert Iudam ende sijn broeders,

3

Ende Iudas heeft ghegenereert Phares ende Zaram van Thamar, Phares heeft ghegenereert Esron, Ende Esron heeft ghegenereert Aram,

4

Ende Aram heeft ghegenereert Aminadab, Ende Aminadab heeft ghegenereert Naasson, Ende Naasson heeft ghegenereert Salmon,

5

Ende Salmon heeft ghegenereert Booz van Rahab, Ende Booz heeft ghegenereert Obed wt Ruth, Ende Obed heeft ghegenereert Iesse,

6

Ende Iesse heeft ghegenereert Dauid den coninck, Ende Dauid die coninck heeft ghegenereert Salomon wt haer die Vrias huysvrouwe was gheweest,

7

⁺Ende Salomon heeft ghegenereert Roboam, Ende Roboam heeft gegenereert Abiam, Ende Abia heeft ghegenereert Asa,

+ B

8

Ende Asa heeft ghegenereert Iosaphat, Ende Iosaphat heeft ghegenereert Ioram, Ende Ioram heeft ghegenereert Oziam,

9

Ende Ozias heeft ghegenereert Ioatham, Ende Ioatham heeft ghegenereert Achaz, Ende Achaz heeft ghegenereert Ezeciam,

10

Ende Ezecias heeft ghegenereert Manassen, Ende Manasses heeft ghegenereert Amon, Ende Amon heeft ghegenereert Iosiam,

11

Ende Iosias heeft ghegenereert Iechoniam ende sijn broeders in die Babilonische gheuanghenisse,

12

Ende nae die Babilonische gheuangenisse so heeft Iechonias ghegenereert Salathiel, Ende Salathiel heeft ghegenereert Zorobabel,

13

Ende Zorobabel heeft ghegenereert Abiud, Ende Abiud heeft ghegenereert Eliacim, Ende Eliacim heeft ghegenereert Azor,

14

Ende Azor heeft ghegenereert Sadoc, ⁺Ende Sadoc heeft ghegenereert Achim, Ende Achim heeft ghegenereert Eliud,

+ C

15

Ende Eliud heeft ghegenereert Eleazar, Ende Eleazar heeft ghegenereert Mathan, Ende Mathan heeft ghegenereert Iacob,

16

Ende Iacob heeft ghegenereert Ioseph den man van Maria vander welcker is gheboren Iesus die ghenoemt wort Christus.

* 17

Ende aldus sijn alle die generatien van Abraham tot Dauid veerthien generatien, ende van Dauid tot die Babilonische gheuanghenisse veerthien generatien, Ende van die Babilonische gheuanghenisse tot Christum veerthien generatien,

18

Ende Christus gheboorte was aldus. + Als sijn moeder Maria ten houwelijcke ghegheuen was Ioseph, eer sij versaemden, soo is sij gheuonden beurucht vanden heylighen gheest

19

Maer Ioseph haer man (want hy rechtuerdich was ende haer niet en wilde openbaerlijck bescamen) soo heeft hy haer heymelijck willen verlaten,

20

⁺Ende als hy dese dinghen dachte, siet soo heefter een Enghel des Heeren hem gheopenbaert inden slaep segghende. Ioseph Dauids sone en wilt niet vreesen te nemen Mariam v huysvrouwe, want dat in haer gheboren is, dat is vanden heylighen gheest,

+ D

21

ende sij sal eenen sone baren, ende ghy sult sijnen naem noemen Iesus, want hy sal sijn volck salich maken van haren sonden.

* 22

(Ende dit is altemale ghedaen, om dat volbracht soude worden datter gheseyt is vanden Heere door den propheet segghende.

23

Siet een maghet sal beurucht sijn ende baren eenen sone, ende sij sullen sijnen naem noemen Emmanuel, dwelc is te segghen God met ons)

24

Ende Ioseph vanden slaep opstaende heeft ghedaen als hem die Enghel des Heeren gheboden hadde, ende hy heeft sijn huysvrouwe ghenomen,

25

Ende hy en bekende haer niet tot dat sij ghebaert heeft haren iersten gheboren sone, ende sij heeft sijnen naem ghenoemt Iesus.