Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iiij. Capittel.

1

⁺VVant siet den dach sal comen ontsteken als een forneys, ende alle die hoouerdighe ende alle die ongoddelijcheyt doen sullen wesen stroo, ende den comende dach sal hen ontsteken, seyt die Heere der heyrscaren, die hen niet verlaten en sal die wortel ende het spruytsel.

+ A

2

⁺Ende v lieden die mijnen naem vreest sal opgaen die sonne der rechtuerdicheyt, ende ghesontheyt in zijn vederen, ende ghy sult wtgaen ende springhen, als calueren van die runderen.

+ B

3

Ende ghy sult die ongoddelijcke vertreden, ende sij sullen wesen asschen, ⁺onder die plante van uwen voeten, inden dach dat ict doe, seyt die Heere der heyrscaren.

+ C

4

Weest ghedachtich der wet van Moyses mijnen dienare, die ick hem beuolen heb in Horeb tot gheheel Israel der gheboden ende ordeelen.

5

⁺Siet ic sal v lieden senden Heliam den propheet, eer den grooten ende veruaerlijcken dach des Heeren comen sal.

+ D

6

Ende hy sal therte der vaderen tot die sonen bekeeren, ende therte der sonen tot hen vaderen, dat ick by auontueren niet en come, ende slae die eerde met die vermalendijdinghe.

Hier voleyndt die Propheet Malachias.