Den gheheelen Bybel, Inhoudende het oude ende nieuwe Testament (Leuvense bijbel 1548)

Dat ierste Capittel.

1

⁺DWOORT des Heeren dat gheschiet is tot Osee den sone Beeri in die daghen Ozie, Ioatham, Achaz, Ezechie der coninghen van Iuda, ende in die daghen Ieroboam Ioas sone des conincs van Israhel.

+ A

2

Het beghinsel dat die Heere ghesproken heeft in Osee. Ende die Heere heeft gheseyt tot Osee. ⁺Gaet henen ende neemt v een huysvrouwe der oncuyscheden ende maect kinderen der oncuyscheden, want het lant oncuyschelijck doende sal oncuyscheyt bedrijuen vanden Heere.

+ B

3

Ende hi is wech ghegaen, ende heeft ghenomen Gomer Debelaims dochter, ende sij heeft ontfanghen ende hem eenen sone ghebaert.

4

Ende die Heere heeft tot hem gheseyt Noemt sijnen naem Iezrahel, want noch een luttel tijts, ende ick sal Iezrahels bloet versoecken op Iehus huys, ende ick sal het rijck des huys van Israel doen rusten.

5

Ende in dien dach sal ick Israels boghe al in stucken breken in Iezrahels valleye.

6

Ende si heeft noch ontfanghen ende een dochter ghebaert. ⁺Ende die Heere heeft hem gheseyt. Noemt haren naem, sonder bermherticheyt, want ick en sal voorts daer niet meer toe doen om des huys van Israel te ontfermen, maer met een verghetelijcheyt sal ick henlieden vergheten.

+ C

7

Ende des huys van Iuda sal ick ontfermen, ende ick salse behouden inden Heere haren Godt ende ick en salse niet behouden door den boghe ende tsweert, ende door orloghe, ende door peerden ende peerdevolck.

8

Ende si heeft die dochter ghespeent die sonder bermherticheyt was. Ende sij heeft ontfanghen ende ghebaert eenen sone.

9

⁺Ende hy heeft gheseyt, noemt sijnen naem, tvolck dat mijn niet en is, want ghy en sijt mijn volck niet, ende ick en sal uwe niet wesen.

+ D

10

Ende tgetal der kinderen van Israel sal wesen als tsandt der zee, dat sonder mate is, ende ten sal niet getelt wesen. Ende tsal wesen, dat ter plaetsen daer hen gheseyt sal werden, Ghy en sijt mijn volck niet, hen sal geseyt werden, kinderen des leuende Gods

11

Ende die kinderen van Iuda, ende die kinderen van Israel sullen verghadert worden, te samen, ende sij sullen hen seluen een hooft stellen, ende sij sullen w-

[p. *689]

ten lande op climmen, want den dach van Iezrahel is groot.