Den gheheelen Bybel, Inhoudende het oude ende nieuwe Testament (Leuvense bijbel 1548)

Den .C.xxviij. Psalm.

Sepe expugnauerunt.

1

DIcmael hebben sij my bestreden van mynder ioncheyt aff, laet Israel dat nu segghen.

2

Dicmael hebben sij my bestreden van mijnder ioncheyt aff, maer sij en hebben gheen macht ouer my ghecreghen.

3

Op mynen rugghe hebben die sondaers gheclopt, sij hebben lanck ghemaect hen boosheyt.

4

Die rechtuerdighe Heere sal der sondaren necken affhouwen,

5

laetse bescaemt worden ende weder om ghekeert achterwaerts alle die Sion haten.

6

Worden moeten sij als thoy der daken dwelck wort verdort eert wtghetrocken wort.

7

Waer aff dat hy sijn handen niet vullen en sal die daer maeyet, ende sijnen schoot die schoouen vergadert.

8

Ende die voerbij ghinghen en hebben niet gheseyt die benedictie des Heeren sij op v lieden, wy hebben v ghebenedijt inden naem des Heeren.