Den gheheelen Bybel, Inhoudende het oude ende nieuwe Testament (Leuvense bijbel 1548)

Den .C.xxiiij. Psalm.

Qui confidunt.

1

DIe inden Heere betrouwen als den berch Sion, en sal niet beroert worden inder eewicheyt die daer woont

2

in Ierusalem.

Berghen sijn rontsomme haer, ende die Heere is rontsomme sijn volck, van nu aen tot inder eewicheyt.

3

Want die Heere en sal die roede der sondaren niet laten opt dlot der rechtuerdigher, op dat die rechtuerdighe hen handen niet wtsteken en souden tot boosheyt.

4

Doet wel Heere, den goeden ende oprechten van herten.

5

Maer die aff wijcken tot quade verbindinghen sal die Heere brenghen met die ghene die boosheyt doen, vrede sij ouer Israel.