Den gheheelen Bybel, Inhoudende het oude ende nieuwe Testament (Leuvense bijbel 1548)

Den .C.xxiij. Psalm.

Nisi quia Dominus.

1

EN hadde die Here in ons niet gheweest, laet nu Israel segghen,

2

en hadde die Heere in ons niet gheweest.

Doen die menschen teghen ons opstonden,

3

soo souden sij bijauontueren ons leuende verslint hebben.

Doen hen rasende gramscap vergramt was op ons,

4

soe soude bijauontueren dat water ons opgheslonden hebben.

5

Onse ziele es doer een beke ghehaen, bijauontueren soude ons ziele ghegaen hebben doer een onuerdraghelijck water.

6

Ghebenedijt sij die Heere, die ons niet ghegheuen en heeft tot eenen vanck haeren tanden.

7

Onse ziele is ghelijck een mussche verlost, wt den strick der iaghers.

Den strick es ghebroken, ende wy sijn verlost.

8

Ons helpe es inden naem des Heeren, die den hemel ende deerde ghemaect heeft.