Den gheheelen Bybel, Inhoudende het oude ende nieuwe Testament (Leuvense bijbel 1548)

Den .C.xxi. Psalm.

Letatus sum.

1

ICk ben verblijdt int ghene dat my gheseyt es, int huys des Heeren sullen wy gaen.

2

Ons voeten waren staende, in v voerhouen Ierusalem.

3

Ierusalem die opghetimmert wort als een stadt, wiens mededeylinghe is ghemeyne voer alle tsamen.

4

Want derwaerts sijn die gheslachten, opgheclommen die gheslachten des Heeren dat ghetuyghenis van Israel, om te belijden den naem des Heeren.

5

Want aldaer hebben die stoelen gheseten int gherechte, die stoelen ouer thuys van Dauid.

6

Bidt dat totten vrede dient van Ierusalem, ende ouervloedicheyt sij den ghenen die v liefhebben.

7

Laet vrede worden in v cracht, ende oueruloedicheyt in v torrens.

8

Om mijn broeders ende mijn naesten, sprack ick vrede van v.

9

Om thuys des Heeren ons Gods, heb ick v goede dinghen ghesocht.