Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]MYn Godt, mijn Godt, siet op my, waerom hebdi my verlaten? verre van mijnder salicheyt sijn die woorden van mijnen misdaden. | |
2[3]Mijn Godt ick sal roepen inden dach ende ghy en sult dat niet verhooren, ende des nachts, ende niet tot mijnder onwijsheyt. | |
3[4]Maer ghy woont int heylighe, den lof van Israel. | |
4[5]In v hebben ghehoept ons vaders, sij hebben ghehoept, ende ghy hebtse verlost. | |
5[6]Tot v hebben sij gheroepen ende sij sijn behouden gheweest, in v hebben sij ghehoept, ende si en sijn niet bescaemt gheweest. | |
6[7]Maer ick ben eenen worm ende gheen mensch, een versmaetheyt der menschen, ende een verworpenheyt des volcks. | |
7[8]Alle die my saghen hebben my bespot, sij hebben metten lippen ghesproken, ende thooft ghescudt. | |
8[9]Hy heeft inden Heere ghehoept, laetten hem nv verlossen, hy maecke hem salich, want hy wilt hem. | |
9[10]Want ghy sijt die ghene die my wtghetrocken hebt wt den buyck, mijn hope van die borsten mijns moeders | |
10[11]in v ben ick gheworpen wten buyck. Van mijns moeders buyc sijdi mijn Godt, | |
11[12]en wilt van my niet scheyden. Want die tribulacie is seer nae, want daer en is niemant die helpe. | |
12[13]My hebben omringhet veel calueren, vette stieren hebben my omleydt | |
13[14]Sij hebben op my haren muyl gheopent, ghelijck eenen leeuw roouende ende briesschende. | |
14[15]Ghelijck water ben ick wtghestort, ende allen mijn beenderen sijn verspreyt. Mijn herte is gheworden als smeltende was, int midden van mijnen buyck. | |
15[16]Mijn cracht is verdroocht als eenen scerf, ende mijn tonghe cleefde aen tghehemelte mijns monts, ende totten stof des doots hebdi my ghebracht. | |
16[17]Want my hebben omringet veel honden, den raet der quaetwillighen heeft my omleydt. Sij hebben doorgrauen mijn handen ende mijn voeten, | |
17[18]sij hebben ghetelt alle mijn ghebeente. Maer sij hebben my aenmerct ende besien, | |
18[19]sij hebben mijn cleederen voor hen ghedeylt, ende op mijn cleedt hebben sij dlot gheworpen. | |
19[20]Maer ghy Heere en vervreemt v helpe niet verre van my, tot mijnder helpen siet toe. | |
20[21]Godt verlost mijn ziele vanden sweerde, ende wt des honts macht mijn eenighe. | |
21[22]Verlost my wten mont des leeuws, ende van die hornen des eenhorens mijn ootmoedicheyt. | |
22[23]Ick sal uwen naem vertellen mijnnen broeders, int midden der kercken sal ick v louen. | |
23[24]Ghy die den Heere vreest looft hem, alle tsaet van Iacob glorificeert hem. | |
24[25]Hem vreese alle tsaet van Israel, want hy en heeft niet versmaet noch veronwaerdicht tghebedt vanden armen. Noch hy en heeft sijn aensicht niet afghekeert van my, ende doen ic tot hem riep, so heeft hy my verhoort. | |
25[26]By v is mijnen lof in die groote kercke, mijn beloften sal ick betalen int aenscouwen vanden ghenen die hem vreesen. | |
26[27]Die arme sullen eten ende versaet worden, ende sij sullen den Heere louen die hem soecken, hen herten sullen leuen inder eewicheyt ende emmermeer. | |
27[28]Allen die eynden der aerden sullen ghedachtich worden ende bekeert totten Heere. Ende alle die gheslachten der Heydenen sullen aenbidden voor sijn aenscouwen. | |
28[29]Want des Heeren is dat rijc, ende hy sal heerscappie hebben ouer die Heydenen. | |
29[30]Alle die vette der eerden hebben gheten ende aenbeden, voor sijn aensicht sullen si alle vallen die ter eerden neder dalen. | |
30[31]Ende mijn ziele sal hem leuen, ende mijn saet sal hem dienen. | |
31[32]Die toecomende generatie sal den Heere vercondicht worden, ende die hemelen sullen sijn rechtuerdicheyt vercondigen, den volcke dat gheboren sal worden dwelck die Heere ghemaect heeft. |
|