Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]MAect my salich Heere, want die heylighe is ghefaelgiert, want die waerheden sijn vermindert van die kinderen der menschen. | |
2[3]Idelheden hebben si ghesproken een ieghelijck tot sijnen naesten? bedrieghelijcke lippen hebben int herte ende herte ghesproken. | |
3[4]Die Heere verstroeye alle die bedrieghelijcke lippen, ende die hoochsprekende tonghe. | |
4[5]Die gheseyt hebben, ons tonghe sullen wij groot maken, ons lippen sijn van ons, wie is ons Heere? | |
5[6]Om die allendicheyt vanden behoeuighen ende dat suchten der armen, sal ick nv opstaen, seyt die Heere. Ick salse stellen in die salicheyt ghetrouwelijc sal ick daer in doen. | |
6[7]Die wtspraken des Heeren sijn suyuer wtspraken, siluer doort vier ondersocht, gheproeft ende ghesuyuert vanden eerden seuenmael. | |
7[8]Ghy Heere sult ons salich maken, ende bewaren van desen gheslachte inder eewicheyt. | |
8[9]In eenen omganck wandelen die ongoddelijcke, nae v hoocheyt hebdi vermenichfuldicht die kinderen der menschen. |
|