Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]HEere onse Heere, hoe wonderlijck is uwen naem ouer gheheel aertrijck. Want v heerlijckheyt is verhauen, bouen die hemelen. | |
2[3]Wt den monde vanden ionghen kinderen noch niet sprekende, ende der suyghelinghen hebdi den lof volmaect om uwe vianden, dat ghy verderuen soudt den viant ende den wreker. | |
3[4]Want ick sal sien uwe hemelen, die wercken uwer vingheren, die mane, ende sterren die ghy ghefundeert hebt. | |
4[5]Wat is die mensch dat ghy sijns ghedachtich sijt? oft die soon des menschen, dat ghy hem besoect? | |
5[6]Ghy hebt hem minder ghemaect een luttel beneden die enghelen, met glorien ende eeren hebdi hem ghecroont, | |
6[7]ende hebt hem ghesteldt ouer die wercken uwer handen. | |
7[8]Alle dinghen hebdi onder sijn voeten gheworpen scapen ende ossen, ende daer toe noch die dieren des veldts. | |
8[9]Die voghelen des hemels ende die visschen der zee, die doorwandelen die paden der zee. | |
9[10]Heere onse Heere, hoe wonderlijc is uwen naem ouer gheheel eertrijck? |
|