Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .ix. Capittel.

1

⁺ALdus es gheheel Israel ghetelt, ende die somme van dien es ghescreuen int boeck der coninghen van Israel ende Iuda, ende sij sijn ouerghevoert in Babilonien om hen misdaet.

+ A

2

Maer die ierst in hen wooninghen ende steden ghewoont hebben waren Israeliten, ende priesters, ende Leuiten, Nathineen.

3

In Ierusalem hebben ghewoont van die kinderen van Iuda ende van Beniamins kinderen, ende van Ephraims, ende Manasses kinderen,

4

Othei Amiuds sone, des soens Amri, des soens Omrai, des soens Bonni, van die sonen van Phares Iudas sone.

5

Ende van Siloni Asaia dierste gheboren, ende sijn sonen.

6

Ende van die sonen van Zara Iehuel ende sijn broeders seshondert ende neghentich.

7

Maer van Beniamins kinderen Salo Mosollams sone, des soens Oduia des soens Asana

8

ende Iobania Ierohams sone, ende Ela die sone van Ozi des soons Mochori, ende Mosallam die sone Saphatie, des soens Rahuel des soens Iebanie

9

ende hen broeders by haren familien, ⁺neghenhondert ende sessenvijftich. Alle dese waren princen der gheslachten by haerder vaderen huysen.

+ B

10

Ende van den Priesters Iedaia, Ioiarib, ende Iachin.

11

Ende Azarias ooc die sone Helcie des soens Mosollam, des soens Sadoc, des soens Maraioth des soens Achitob, die opperste priester des huys Gods.

12

Ende Adaias

[p. *316]

was die sone Ieroham, des soens Phassur, des soens Melchie, ende Maasai was Adiels sone des soens Iezra, des soens Mosollam des soens Mosollamith des soens Emmer,

13

⁺ende hen broeders waren Princen nae haren familien duysent seuenhondert tsestich seer sterck van machte om dwerck des diensts te doen in Gods huys.

+ C

14

Maer vanden Leuiten Semeia Hasubs sone des soens Ezricam, des soens Hasebia van Meraris sonen.

15

Ende Bacbacar die timmerman, ende Galal, ende Mathania die sone Mitha des soens Zechri, des soens Asaph.

16

Ende Obdia die sone van Semeia des soens Galal, des soens Idithun. Ende Barachia die sone van Asa, des soens Elcana, die welcke ghewoont heeft in die voerhouen Metophati.

17

Ende die doerwachters waren Sellum ende Accub, ende Telmon, ende Ahiman, ende hen broeder Sellum die prince,

18

tot dien tijt toe, in des conincs poorte ten oosten, hielen sij die hoede by hen buerten vanden kinderen van Leui.

19

Maer Sellum die sone van Core, des soens Abiasaph, des soens Core, met sijnen broederen, ende sijns vaders huys dit sijn die Coriters, ouer die wercken des diensts, bewaerders van die portaelen des tabernakels ende hen familien nae die buerten van des Heeren heyr waren bewarende den inganck.

20

⁺Ende Phinees Eleasarus sone was hen ouerste voer den Heere.

+ D

21

Maer Azarias die sone van Mosollamia was doerwachter der poerten van dat tabernakel des ghetuyghenis.

22

Alle dese ghecoren tot doerwachters aen die poerten waren twee hondert twaelue, ende bescreuen in hen eyghen dorpen, die welcke Dauid ende Samuel die siender gestelt hebben op hen ghelooue

23

soe wel hen, als hen sonen, in die doeren van des Heeren huys, ende int tabernakel by haeren buerten.

24

Nae die vier winden waren sij doerwachters, dat es, ten oosten ende ten westen, ende ten noorden, ende ten suyden.

25

Maer hen broederen woonden in cleyn dorpkens, ende sij quamen in haer sabbathen van tijde te tijde,

26

⁺Desen vier Leuiten was beuolen alle theel ghetal der doerwachters, ende sij waren ouer die rustcameren ende scatcameren van des Heeren huys.

+ E

27

Ende sij woonden rontsomme des Heeren tempel in hen bewaringhen op dat sij (alst tijt soude wesen) seluer des morghens vroech die doeren souden open doen.

28

Van haren gheselscap, waren die sommighe oock ouer die ghereetscappen des diensts, Want die ghereetschappen worden by ghetale inghedraghen ende wtghedraghen.

29

Van hen lieden oock die tghelooue hadden die ghereetscappe van dalder heylichste plaetse te bewaren, waren ouer die bloeme van meel, ende ouer den wijn, ende olie, ende wieroock, ende specerien.

30

Maer der Priesters sonen die maecten welriekende confectien van die specerien.

31

Ende Mathathias die Leuijt Sellums des Coriters ierste gheboren sone was ghestelt ouer alle die dinghen die in die panne gheroost worden.

32

Maer van Caaths sonen haren broeders waren sommighe ghestelt ouer die brooden der voerlegghingen, dat sij die altijt nieuwe souden bereyden teghen elcken sabboths dach.

33

⁺Dit sijn de princen der sanghers nae die familien der Leuiten die op die rustcameren woonden, om dat sij dach ende nacht altijt haren dienst souden bedienen.

+ F

34

Die hoofden der Leuiten, Princen in haren familien, hebben in Ierusalem ghewoont.

35

Maer in Gabaon hebben ghewoont die vader van Gabaon Iehiel, ende sijnder huysvrouwen naem was Maacha.

36

Sijn ierste geboren sone was Abdon, ende Sur, ende Cis ende Baal, ende Ner, ende Nadab,

37

Gedor ooc mede, ende Ahio, ende Zacharias ende Macelloth,

38

Maer Macelloth heeft ghewonnen Samaam, desehebben ghewoont teghen ouer hen broeders in Ierusalem, met haren broeders.

39

⁺Ende Ner heeft Cis ghewonnen, ende Cis heeft ghewonnen Saul, ende Saul heeft ghewonnen Ionathan, ende Melchisua, ende Abinadab ende Esbaal.

+ G

40

Maer Ionathas sone was Meribbaal, ende Meribbaal heeft ghewonnen Micha.

41

Maer die sonen van Micha waren Phiton ende Melech, ende Tharaa, ende Ahaz.

42

Ende Ahas heeft ghewonnen Iara. Ende Iara heeft ghewonnen Alamath ende Azmoth ende Zamri, Ende Zamri heeft ghewonnen Mosa,

43

Ende Mosa heeft ghewonnen Banaa, wiens zone Raphaia heeft ghewonnen Elasa, daer Asel af gheboren es.

44

Ende Asel hadde ses sonen met dese namen, Ezricam Bochru, Ismahel, Saria, Obdia Hanan. Dit sijn Asels sonen.

[afbeelding]