Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .iiij. Capittel.

1

⁺DIe sonen van Iuda, waren Phares, Hesron, ende Charmi, ende Hur ende Sobal,

+ A

2

maer Raia Sobals sone heeft ghewonnen Iahath daer af dat gheboren sijn Ahumai, ende Laad, dit sijn die gheslachten Sarathi.

3

Dit es oock dat gheslachte van Etam, Iezrael, ende Iesema ende Iedebos, ende hen susters naem was Asalelphuni.

4

Maer Phanuel was Gedors vader ende Ezer was die vader van Hosa, dit sijn Hurs sonen des iersten gheborenen van Ephratha, Bethlehems vader.

5

Maer Assur die vader van Thecue hadde twee huysvrouwen, Halaa ende Naara.

6

Ende Naara heeft hem ghebaert Oozam ende Hepher, ende Themani, ende Ahasthari. Dit sijn die sonen van Naara.

7

Maer die sonen van Halaa waren Sereth, ende Sahar ende Ethnan.

8

⁺Ende Cos heeft ghewonnen Anob ende Soboba, ende het gheslachte van Aharehel, Arums sone.

+ B

9

Maer Iabes was heerlijck bouen sijn broeders, ende sijn moeder heeft sijnen naem ghenoemt Iabes, segghende, Ick heb hem met droefheyt ghebaert.

10

Ende Iabes heeft God van Israel aenroepen segghende, Eest dat ghy ghebenedidende my ghebenedijt, ende dat ghy mijn palen verbreyt, ende dat v hant met my is, ende dat ghy doet dat ick van die quaetheyt niet verdruct en worde, Ende Godt heeft ghegheuen dat hy ghebeden heeft,

11

Maer Caleb die broeder van Sua, heeft ghewonnen Mahir, die Esthons vader was.

12

Ende Esthon heeft ghewonnen Beth-rapha, ende Phesse ende Tehinna den vader van der stadt Naas, Dit sijn die mannen van Recha,

13

Maer Cenez sonen waren Othoniel ende Saraia, ⁺Voerts waren Othoniels sonen, Hathath, ende Maonathi,

+ C

14

Maonathi heeft ghewonnen Ophra, Ende Saraia heeft ghewonnen Ioab den vader van der constigher werckluyden valleye. Want daer waren die constighe wercluyden.

15

Maer Calebs sonen des soens Iephone waren Hir, ende Ela, ende Nahan, Ende die sonen Ela Cenez.

16

Ende die sonen Ialeleel, Ziph, ende Zipha, Thiria, ende Asrael.

17

Ende die sonen van Ezra, waren Iether, ende Mered, ende Epher, ende Ialon, ende hy heeft ghewonnen Mariam, ende Sammai, ende Iesbam, den vader van Esthamo.

18

Ende sijn huysvrouwe Iudaia heeft ghebaert Iared Gedors vader, ende Heber den vader van Socho, ende Icuthiel den vader van Zanoe, ende dit waren die sonen Bethie Pharaos dochter die welcke Mered ghetrouwt heeft.

19

Ende die sonen der huysvrouwen Odaie der susteren Natham des vaders Ceila, ⁺Garmi ende Esthamo, die was van Machati.

+ D

20

Ende Simons sonen waren, Ammon ende Rinna, Hanans sone ende Thilon. Ende die sonen van Iesi, Zoheth, ende Benzoheth.

21

Die sonen van Sela Iudas sone Her die vader van Lerha, ende Laada den vader van Maresa, ende die gheslachten des huys die wit lijnwaet maken int huys des eedts.

22

Ende die de sonne heeft doen stille staen, ende die mannen der loghenen, ende vrij ende onstekende, die Princen waren in Moab, Ende die wedercomen sijn in Lahem, Maer dit sijn oude woerden.

23

Dit sijn die potbackers woonende in die plantinghen ende thuynen, by den coninck in sijn wercken, ende sij hebben daer ghewoont.

24

Simeons sonen waren Namuel ende Iamin, Iarib, Zara, Saul,

25

Sellum sijn sone, ⁺Mabsam sijn sone, Masina sijn sone.

+ E

26

Die sonen van Masma, Hamuel sijn sone, Zachur sijn sone, Semei sijn sone.

27

Die sonen van Semei waren sesthien, ende ses dochteren, maer sijn broeders en hadden niet veel sonen, ende alle dat gheslachte en conste niet ghelijcken tghetal der kinderen van Iuda.

28

Ende sij hebben ghewoont in Bersabee, ende Molada, ende Hasar-scihal,

29

ende in Bala, ende in Asom, ende in Tholad,

30

ende in Bathuel, ende in Horma, ende in Siceleg,

31

ende in Beth-marchaboth, ende in Hasarsusim ende in Beth-berai, ende in Saarim, Dit waren hen steden totten coninck Dauid toe.

32

⁺Ende hen steden waren Etam, ende Aen, Remmon, ende Thochen, ende Asan, vijf steden.

+ F

33

Ende allen hen cleyn dorpkens rontsomme dese steden tot Baal toe, dit is hen wooninghe, ende die deylinghe vanden woonsteden,

34

Mosobab ooc, ende Iemlech ende Iosa Amasias sone,

35

ende Ioel, ende Iehu Iosabie sone des soens Saraie, des soens Asiel,

36

ende Elioenai, ende Iacoba ende Isuhaia, ende Asaia, ende Adiel, ende Ismiel, ende Banaia

37

Ziza ooc die sone van Sephei des soens Allon, des soens Idaia, des soens Semri, des soens Samaia.

38

Dit sijn die vermaerde Princen in hen gheslachten ende int huys van haren maechscappen sijn sij bouen maten seer vermenichfuldicht.

39

Ende sij sijn ghereyst om te comen in Gador tot aen dat oosten der valleyen, ende om dat sij haren cudden souden weyen soecken.

40

Ende sij hebben vruchtbarighe ende seer goede weyen vonden ende een seer breet ende gherust ende vruchtbaer lant, daer te voren ghewoont hadden die van Chams gheslachte.

41

⁺Aldus sijn dese comen die wij bouen voerscreuen hebben namelijck, in die daghen van Ezechias den coninck van Iuda, ende sij hebben hen tabernakelen gheslaghen ende die inwoonders die daer vonden waren, ende sij hebben die te niet ghebracht tot op desen dach toe, ende sij hebben in hen plaetse ghewoont. Want sij hebben daer seer vruchtbarigheweyden vonden.

+ G

42

Ende van Simeons sonen sijn ooc wech ghegaen int tgheberchte van Seir vijfhondert mannen hebbende princen, Phaltiam ende Naariam, ende Raphaiam ende Oziel, die sonen Iesi,

43

ende sij hebben gheslaghen die bleuelinghen der Amaleciters die hadden moghen ontgaen, ende sij hebben daer ghewoont in hen stede tot op desen dach toe.