Geuzenliedboek
(1924-1925)–Anoniem Geuzenliedboek–
Auteursrecht onbekend218.
| |
[pagina 233]
| |
Smorgens tussen acht en negen uren,
Werden dees vier met trueren,
10[regelnummer]
Ghebracht op 't Hof of op de Zael,
Op de Rolle principael,
Daer wert ghelesen haer Sentenci
Voor elck in presenci,
Van haer misdaden al te mael.
15[regelnummer]
Haer misdaden haer voor ghelesen,
En daer ter doot verwesen,
Doen werden sy weer gheleyt,
Op de ghevanghen Poort voorseyt,
En daer naer sonder schromen
20[regelnummer]
Isser een voor ghecomen,
Op het Schavot t'dient verbreyt.
D'eerste
Slatius quaet van fame
Stracks op 't Schavot daer quame,
Om aldaer te sterven den doot,
25[regelnummer]
Om zijn boos misdaden snoot,
Aen de handen wert hy ontsloten,
Dit heeft hy noch ghenoten
Om vry en lyber te spreken bloot.
Hy ginck en stont weerspannich,
30[regelnummer]
Heel wreedelijck tyrannich,
Heeft hy heen en weer ghesien,
En hy sprack voor alle Lien,
Dese woorden onbeloken
Ga naar voetnoot33.
Die heeft hy al ghesproken,
35[regelnummer]
Die men u hier int Liedt bediet.
Hy sprack eerlijcke Borghers vrye
Hier hebt ghy nu al mye,
Hendricus Slatius int ghespan,
Ick ben Slatius die Man,
40[regelnummer]
Ick ben hier totter doot benopen,
Daer menich soo om heeft gheropen
Om my aldus te schouwen an.
Jae menich als verwoede,
Heeft ghedorst nae mijn bloede
45[regelnummer]
Noch sprack hy stout onbevreest,
Ick ben de quaetste noyt gheweest,
Zoo 't blijcken sal uyt mijn Sentency
Voor elck in presency,
Dit sprack hy met een stouten gheest.
| |
[pagina 234]
| |
50[regelnummer]
Ick heb getracht altijt na moderacy
Maer die daer souden sijn och lacy,
Middelaren in dit punt,
Die hebbent u misleyt en misgunt,
Tis waer ick ben hier toe ghecomen,
55[regelnummer]
Ter schanden met onvromen,
Moet ick nu sterven om dit punckt.
Tgeen dat ick hier hebb' bedreven,
Dat sal my Godt vergheven
Dan zijt versekert met verstant,
60[regelnummer]
Daer hangt een plaghe over't Lant,
Daer op riep al het volck ghemene
Met Gods gracy hopen wy nene,
Wech met den Verrader aen een kant.
Men behoort hem in vier quartieren
65[regelnummer]
Te houwen om sijn bestieren,
Die soo veel mannen heeft verleyt,
Om te doen 't moordadich feyt,
Aen onsen Edelen Prins verheven
Te brenghen om het leven,
70[regelnummer]
Hem geschiet noch groote ghenadicheyt.
Den Predicant
Lamotius eersame
Die eerst bij
Slatius quame,
Hy gaf hen
Ga naar voetnoot73. gheen ghehoor valjant,
Maer hy wees hem wech van der hant
75[regelnummer]
Noch vraechde Lamotius coene,
Oft hy zijn ghebedt wou doene,
Neen antwoorde hy constant.
Dan hy woude selve Bede
Ga naar voetnoot78.
Maer men sach niet dat hy 't dede,
80[regelnummer]
Maer hy bleef al even verhart,
In sijn boos voornemen verwert,
Dees meester van dees verradersche fielen
Tquam so veer dat hy sou knielen,
Om te sterven den doot met smart.
85[regelnummer]
Den Scherprechter dit versinden
Wou hem d'ooghen blinden,
Maer hy en heeftet niet begheert,
Maer hy deed' selfs metter veert,
Den doeck al voor sijn ooghen
90[regelnummer]
Meester Gherrit al ongheloghen,
Bantse achter toe al metter veert.
| |
[pagina 235]
| |
Doen sprack dees verradersche fiele
Ick beveel mijne Ziele
In den Naem des Vaders onbevreest
95[regelnummer]
Des Zoons ende des heyligen Geest,
Den Scherprechter ginck hem pogen
Ga naar voetnoot96.,
Hy heeft t' Swaert uyt ghetoghen,
Om t'hooft t'afhouwen onbedeest.
Slatius wilde sonder ghecken,
100[regelnummer]
Den doeck wat lagher trecken,
Maer den Beul hem t'voordeel af sach
Gaf hem met t'Swaert alsucken slach,
Dat zijn hooft van den rompe solde,
En van 't Schavot af rolde,
105[regelnummer]
En noch salmen u doen ghewach.
Hoe sijn rechter hant ontrouwen
Met dien slach is afghehouwen
En sijn slincker hant oock mee,
Dat sy al hingh by gheree,
110[regelnummer]
Dus dede God daer een teecken,
Voor alle menschen wreecken,
Thoond' dat men hem sulcke gracy de.
Doen sachmen daer sonder letten
Zijn lichaem op een rat setten
115[regelnummer]
En t'hooft op eenen staeck ghestelt,
Als sulcken verrader vermelt
Den tweeden t'was om te schromen,
Doen is daer voort ghecomen,
Jan Blanckert van Leyden verselt.
120[regelnummer]
Hy toonde hem als de bedroefde
Want hem sulcks wel behoefde,
En hy sprack voor al t'volck saen
Heb ick yemant yet misdaen,
Met woorden oft wercken bedreven,
125[regelnummer]
Och wiltet my doch vergheven.
Ja, Ja, riep al het volck seer saen.
Noch sprack hy dese reden
Och wilt doch voor mijn beden
En hy dede oock zijn ghebedt,
130[regelnummer]
Trock een root mutsjen over d'oogen net
Den Scherprechter sonder flouwen
Heeft hem t'hooft afghehouwen
Aen een sijde toeghedeckt gheset.
| |
[pagina 236]
| |
Den derden
Abraham Blanckaert
135[regelnummer]
Die oock mede als Janckaert
Op 't Schavot thoonde groot berou
Ghy vrome Borgers ick heb een Vrou
En vijf kinderen bij desen
Wilt haer niet verwijtich wesen:
140[regelnummer]
Dat ick moet sterven met vergrou.
Om den Prins te brenghen om 't leven
Ginck ick my noyt begheven,
Noch my daer oock niet toe gheneert
Dan wy sochten metter veert
145[regelnummer]
Den Secretaris sonder lieghen
Meenden wy te bedrieghen
Die ons sulcx heeft aen ghepresenteert.
Als hy ghe-eyndicht had zijn reden
Doen heeft hy selfs ghebeden
150[regelnummer]
Doen riep hy ten anderen mael
Teghen d'omstaenders generael
Och willet my al vergheven
Heb ick yemant misdaen in mijn leven
Daer op riepen sy jae princepael.
155[regelnummer]
Doen ginck hy daer neder kniele
Bevelende Godt zijn Ziele,
En in Godts handen zijnen Gheest,
Den Scherprechter onbevreest
Heeft hem voor Mans en Vrouwen
160[regelnummer]
Den hals daer afghehouwen
Dattet hooft ter Aerde viel bedeest.
Doen gingen sy sonder ghecken
Zijn Lichaem me toedecken,
En gheleyt mee aen deen sy
165[regelnummer]
Ten vierden quam
Willem Party,
Op 't Schavot is hy ghecomen
En hy sprak sonder schromen
O ghy vrome Burgers hoort na my.
Ick en sochte den Prins verheven
170[regelnummer]
Noyt te brenghen om t'leven,
Maer ick meende te bedrieghen wis,
Van Bleyswijck Secretarius,
Als hy ons t'ghelt hadde ghegheven
Wy trocken sonder sneven,
175[regelnummer]
Al nae des 's Gravenhaghe fris.
| |
[pagina 237]
| |
Op den wech waren wy ghecomen
Doen hebben wy vernomen,
Dat d'Aenslagh was gheopenbaert,
Doen vluchten wy wech beswaert,
180[regelnummer]
Ende noch meer andere reden
Die hy t'volck daer dede
Als in zijn Sentencie wert verclaert.
Doen nam hy oorlof onbeladen
Legghen hier mijn Cameraden,
185[regelnummer]
Daer mee meende hy die andere dry
Die ghepasseert waren d'Justicy
Laetse my sien sonder treuren
Ten mocht hem niet ghebeuren
Ter doot begaf hem Willem Party:
190[regelnummer]
Doen ginck hy daer neder kniele
Bevelende Godt zijn Ziele
Vader in u handt beveel ick mijn Geest,
Riep hy voor t'volck minst en meest,
Een root Mutsjen trock hy over d'oogen
195[regelnummer]
Den Beul heeftet sweert uytghetoghen,
En sloech hem 't hooft af seer onbevreest.
Jan en Abraham Willem Pertye,
Ga naar voetnoot197:
Die werden noch alle drye,
Daer begraven in de aert,
200[regelnummer]
Jonck en out vermaert,
Waer ghy zijt by daegh, en nachten,
Bidt Godt om goede ghedachten
Dat hy u van alle quaet bewaert.
|
|