Geuzenliedboek

108.
Van de incomste des door luchtighe hooch gheboorne Vorstinne en Princesse, ⁺

Op de wijse: Wilhelmus van Nassouwen, &c.

Wilt nu tsaem ^1. vreucht bedrijven
Ghy steden in Hollandt,
In Zeelant, Mannen en Wijven,
Bedrijft ^4. vreucht aen elcken cant,
Ter eeren den Prince verheven
Sijn huysvrou Edel vermaert,
Dat God gratie heeft ghegheven
En trouwelijck bewaert.

Ten Briel is sy ghecomen
Al met triumphe groot,
Dat hebben die burghers vernomen
Men schoot soo menighen schoot
Tot des Prins t'sijner vromen, ^13.
Men nam haer byder hant
Men hiet haer wellecomen
Al in des Princen lant.

Als den Prins dat heeft vernomen,
Van herten was hy verblijt,
Hy voer al sonder schromen,
Naer den Briel seer subijt,
Nae haer was syn verlanghen,
Den Edelen Prince goet
Hy heeft sijn Bruydt ontfanghen,
En vriendelijck ghegroet.

+ No. 108. Naar N. Verder in E. I en alle latere, behalve K. S. V. Bij V.L.CV; Van Vloten II, 154.
Het huwelik van Oranje met Charlotte de Bourbon was 12 Junie 1575 gesloten te Den Briel.

1. tsaem. O. P al; ontbreekt in N. Q-DD.

4. Bedrijft. I.J.L.M Baert; O. P Sijt vrolijck.

13. I.J.L.M: Den Prince t'zijnder vromen.

[p. 250]

25

Men sach doen vreucht oorboren ^25.

 

Ten Briel ick seght u plat,

 

Tromlen en trompetten mochtmen hooren

 

Op het hooft en inde stadt,

 

T'gheschut wert los gheschooten

30

Ter eeren den bruydt minjoot,

 

Ten heeft haer niet verdrooten

 

Te schieten soo menighen schoot.

 

 

 

Als sy binnen is ghecomen,

 

Die jonckvrou reyn ghemaniert ^34.

35

Elck hiet haer wellecomen,

 

Vreucht werter ghehantiert,

 

Op den Toren sachmen vyeren ^37.

 

Deur die stadt nacht end dach,

 

Met lieflijcke manieren

40

Men hoorde daer gheen gheclach.

 

 

 

Van daer is sy ghetoghen,

 

Na Dort al metter spoet,

 

Alsomen sach voor ooghen,

 

God die heeftse behoet,

45

Trompetten ende Claroenen

 

Gaven daer groot gheluyt,

 

Elck een sachmen daer spoeyen ^47.

 

Om te eeren des Princen Bruyt.

 

 

 

Die van Dort cloeck van aerde

50

Waren seer haest bedacht,

 

Want sy gheen costen spaerden

 

Maer hebben de Bruyt verwacht,

 

De schutters sachmen treden

 

Met vaendels wijt ontdaen,

55

Coragieus van seden

 

Om de Bruyt te ontfaen.

 

 

 

De Borghers met verlanghen

 

Liepen daer buyten de poort

 

Om de Bruyt eerlijck t'ontfanghen

60

Tgheschut wert daer ghehoort,

 

Men sach pecktonnen branden,

 

Door die stadt hier en daer,

 

Alle die Papisten ter schanden

 

Ter eeren den Prins eerbaer.

 

 

65

De Heeren vander stede

 

Schout, Schepenen wel ghemoet,

 

Burghemeesters en schutters mede

 

Die quamen haer int ghemoet,

 

Met vaendels wijt ontloken,

70

Seer lustich triumphant,

 

End hebben seer vriendelijck ghesproken,

 

Weest willecom in Hollant.

 

 

 

Dus wilt doch vreucht hantieren

 

Ghy steden aen elcken cant,

75

En wilt doch vrolijck vyeren

 

Ter eeren den Prins valliant,

 

Danckende God verheven

 

Van dat Babel soo wert verstoort

 

En dat hy ons heeft ghegheven

80

Sijn heylighe Godlijcke woort.

 

 

 

Ghy meucht u wel verblijden,

 

Ghy steden hoogh vermaert

 

Want noyt tot gheenen tijden

 

En waert ghy so bewaert,

85

Met sulcken Edelen Heere

 

End een Princes seer goet

 

Want sy beyde voor Christus leere

 

Willen waghen lijf end goet.

 

 

 

Laet ons den Heere dancken

90

Ghy Menschen groot en cleyn,

 

Hy sterckt ons arme crancken

 

Alsmen mocht sien ghemeyn,

 

Te Leyden voor die stede,

 

Was den vyant heel verbaest ^94.,

95

Ende t'Alckmaer oock mede.

 

Daer ruymden hy metter haest.

25. oorbooren: bedrijven.

34. reyn ghemaniert: die kuis in haar wandel was.

37. vieren: vreugdevuren ontsteken.

47. spoeyen. I.J.L.M spoenen; O.P spoeden; U sproeyen. Waarschijnlik is spoenen, dat door het rijm gevorderd wordt, wel de oorspronkelike lezing. Spoenen staat voor spoen, spoeden, gelijk men ook wel doenen voor doen hoort, en b.v. n^o 115, vs. 43 leest.

94. verbaest: verschrikt.

[p. 251]

 

Oorlof Princeslijcke Heeren

 

Wilt dit in danck ontfaen

 

Den Prins van Orangien ter eeren,

100

So is dit Liet ghedaen,

 

Met sijn Princesse verheven

 

Godt spaertse beyde ghesont

 

En wilse lang laten leven

 

Bid ick uut ^104. ts'hertsen gront. ⁺

104. uut van I.J.L.M.O.P is zeker wel de goede lezing; N. Q-DD lezen met.

+ In CC en DD volgt hierop onderstaande

Zegen-wensch.
Leeft langh Doorluchtigh Paer, den Hemel sta u by,
En geeft dat uyt U Zaet, veel Spruyten voort magh komen,
Dit is de wensch en beê, van al ons Borgery,
Op dat daer door de moed des Vyands word benomen.