't Geestelijck kruydt-hofken

[p. 194]

Het acht-en-seventichste Lied,
Een Geestelick Liedt,

Op de wijse: Verheucht u doch met my.

O Liefste Iesu soet,
⁺Die mijn ziel hebt vercoren,
⁺Bestraelt doch mijn gemoet,
Met uwer liefden gloet,
En my u gracy doet,
⁺Neemt my in u behoet,
Soo werd ick niet verloren.
⁺Eeuwighe klaerheyt schoon,
⁺Met een lieffelick wesen,
‘Is rontom uwen troon,
In u Hemelsche woon,
⁺Maer hier is onsen loon,
⁺Verachtingh, smaet, en hoon,
Och wilt ons doch genesen.
⁺Ons ziel ghestadich lijdt,
Want s’u niet mach aenschouwen,
Daer toe ghevoeltse strijt,
Ter werelt breet en wijt,
‘t Welck haer dickwils doorsnijt,
⁺Haer toeverlaet ghy sijt,
In alle haer benouwen.
⁺Als in een eensaem wout,
Sit sy deerlick verschoven,
⁺S’en soeckt silver noch gout,
Noch watmen hier aenschout,
⁺Nochtans wertse benout,
Met liefde haer bedout,
So machs’ u stadich loven,

+ Eph. 1: 4.

+ 1 Tess. 3: 12.

+ Psal. 121: 7.

+ 1 Tim. 6: 16.

+ Psal. 16: 12.

+ Ioan. 16: 33.

+ 1 Cor. 4: 13.

+ Psal. 42: 2.

+ Psal. 91: 2.

+ Cant. 2: 14.

+ Act. 20: 33.

+ Ierem. 15: 10.

[p. 195]

 

 

Ghy zijt haer medecijn,⁺

 

Sy heeft naer u verlanghen,

 

Mochts’ altijt by u zijn,

 

En smaecken uwen wijn,⁺

 

Cleyn achte sy haer pijn,

 

Want door u soet aenschijn,⁺

 

Can sy veel troost ontfangen.

+ Psal. 80: 4.

+ Cant. 2: 4.

+ 2 Tim. 4: 17.