't Geestelijck kruydt-hofken

Het seventhiende Liedt,
Is een vermaninge tot waerachtighe ghelatenheyt, ende wat vrucht de selve heef.

Op de wijse: De lustelijcke Mey, &c.

Begeerte ghy brenght der zielen pijn,
En doet dat hert bedroeven,⁺
Dus weet ick geen beter medecijn,⁺
Die my best sou behoeven,
Dan dat de mensch ghelaten waer⁺
Hem selven versaeckt gantsch en gaer,
En hadt een goedt ghenoeghen,
Soo soudt den tijdt wel voeghen.
De tijt die brenght de roosen voort,
Alsmense can verwachten.⁺
Dus blijft in u selfs onghestoort,
En bedwinght u ghedachten,
Verbeyt den tijdt met lijtsaemheyt,
En maeckt u quade begeerten quijt,

+ 1 Tim. 6: 10.

+ Pred. 2: 22.

+ Psalm 37: 7.

+ Predi. 3: 10.

[p. 44]

 

 

Stelt alle dinck in reden,

 

Weest met den tijdt te vreden.

 

Geen meerder vreught en can daer zijn,

 

⁺O menschen wilt dit vaten,

 

⁺Dan die in blyschap en in pijn

 

Can staen even ghelaten,

 

In gheluck en in ongheval,

 

In honigh en in bitter gal,

 

Als hy maer is te vreden,

 

Dan heeft hy wel ghestreden.

 

Maer valt hy in eyghen gequel,

 

Kan hy sijn sinnen niet dwingen,

 

Hy bereyd hem selven hier de Hel,

 

Sijn vyanden hem omringen.

 

⁺Vol onrust is hy t’aller tijt,

 

Daer med’ hy teghen hem selven strijt,

 

(Bedroeft in sijn gedachten)

 

Waer zijn dan al sijn krachten?

 

⁺Is hy dan niet verwonnen heel,

 

Al van sijn eyghen knechten?

 

Daer over hy soud’ doen beveel

 

Die komen over hem rechten.

 

⁺Dus raed’ ick elck dat hy Heer zy

 

Over sijn gemoed, en worde vry,

 

So mach hy triumpheren,

 

Tot ruste hem gaen keeren.

 

Met den Prince stelt u in ‘t velt,

 

V self leert overwinnen,

 

V vyanden worden u hier vertelt,

 

Dat zijn u boose sinnen:

 

⁺V eygen wil, u eyghen raet,

 

V boose begeerten en lusten quaet

 

Als ghy die kond bedwingen,

 

Dan meught ghy vrolijck singen.

+ Phil. 4: 21.

+ 2 Cor. 1: 6.

+ Esa. 57: 18.

+ Rom. 6: 16.

+ Prov. 16: 32.

+ Iacob 4: 1.