Een geestelijck liedt-boecxken



[Folio K4r]
Een Leysen. Alst begint. MEt dese nieuwe Iare, Soo wordt ons openbare, Hoe dat een Maeght vruchtbare, De weerelt heeft verblijdt, Ghelovet moet zijn De suyver Maghet fijn, Gheeert moet zijn, haer Kindekijn, Ons Medecijn, in deser tijdt. Wat mocht men soeter hooren, V is een kindt ghebooren, Wt eenen Maeght vercooren, Bedrijft nu goot jolijt, Een Maeghdeken reyn, Dat baerden certeyn, Een Kindtghen cleyn, dat ons alleyn Versoent ghemeyn, in deser tijdt. Een Soon is ons ghegheven, Waer in wy zijn verheven, De wegh, waerheyt, en leven, Waer door wy sijn bevrijdt, Van Doot ende Hel, En sVyants ghequel, Hoort Israel, Emanuel, Hy doet u wel, in deser tijdt. Die Herderkens ten velden, Gods glory hoorden melden, Als d'Enghelen haer vertelden, (Dit wel ghedachtigh zijt,) Gloria ten toon, Songhen also schoon,
[Folio K4v]
Des Magets Soon, daer in den throon, Daer onghewoon, in deser tijdt. Sy quamen d'Herders verclaren, Te Bethlehem te varen, Daer soud haer openbaren Den Salighmaker blijd, By 'tMaeghdeken vroet, Een Kindeken soet Tot haren behoedt, ginghen met spoedt, Hebbent ghegroet, in deser tijdt. Drie Coningen die quamen En deden nae 'tbetamen, Dat licht soo ghehoorsame. Sy brochen aenschout Myrrhe, Wieroock en Gout, Aenbaden out, so menichfout Dit wel onthout in deser tijt.