Een geestelijck liedt-boecxken

inhoudende nieuwe Liedekens, nu anderwerf ghedruckt, verbetert ende vermeerdert met eenige nieuwe Leysenen, nae ghelegentheyt der Hooghtijden

[fol. K1v]

Een Leysen,

Alst begint.
Een Kindeken is ons ghebooren
In Bethlehem,
Van Godt belooft te vooren
Nae die Propheten sterm.
Oft, Dat viel een Hemels dauwe.
Oft, O Godt al van der minnen.

AL die op Aerden leven,
Weest nu met ons verblijdt,
Een Soon is ons ghegheven
Met lof ghebenedijdt.
Hier onsen Heer der Heeren,
Eendrachtigh al ghelijckk,
Met vrolijck jubileeren,
Godt in sijn gaven rijck.

In soete jubilaty

Eendrachtigh met accoort,
Door innigh contemplaty,
(In den begin was 'tWoordt)
Vwe herten verhevet
Boven int Hemelrijck,
Godt glory en lof ghevet,
Is in sijn gaven rijck.

Die Herderkens ten velden,

Omscheen een schoonheyt clear,
Als Gods Enghelen melden,
Met soet gheluyt aen haer,
In Bethlehem gaet soecken,
Eendrachtigh al ghelijck,
V Salighmaker in doecken,
Godt in sijn gaven rijck.

[fol. K2r]

 

Dat woordt heeft aenghenomen,

 

Des Menschen sijn natuer,

 

Dat hy nu doet vertoonen,

 

Sijn Vader t'aller uer,

 

Gods Enghelen die songhen,

 

Glory in Hemelrijck,

 

Looft hem met alle tonghen,

 

Godt in sijn gaven rijck.

 

 

 

Glory sy openbaren

 

Al met een soet gheluyt,

 

Godt sal hier mee verclaren

 

Sijn Lief, sijn Schoon, sijn Bruydt,

 

De Bruygom schoon van wesen,

 

Die roeptse al ghelijck,

 

Comt siet, mijn Bruydt ghepresen,

 

Godt in sijn gaven rijck.

 

 

 

Princen wilt niet begraven,

 

Hier u ontfanghen pont,

 

Maer brenght mee by u gaven

 

Door aendacht in u gront,

 

Tsal Godt soo wel behaghen

 

Boven int Hemelrijck,

 

Wilt Gout, Myrrhe, Wieroock draghen

 

Godt in sijn gaven rijck.