Een geestelijck liedt-boecxken

inhoudende nieuwe Liedekens, nu anderwerf ghedruckt, verbetert ende vermeerdert met eenige nieuwe Leysenen, nae ghelegentheyt der Hooghtijden

Een Geestelijc Liedt.

Op de voys Fortuyn eylaes bedroeft.

[fol. H4r]

 

AEnsiet my doch O Heer,

 

Aenhoort hier mijn gheclagh

 

Voor u is mijn begeer,

 

Hoe wel ick u noyt sagh,

 

Dan doort gheloofs ghewagh,

 

Waer door ic can verstaen,Waer

 

en sien u al den dagh,

 

In al u wercken aen.

 

 

 

Dat ick door mijn sinnen,

 

Begrijp dat is te cleyn,

 

Verlicht mijn van binnen

 

Oorsprongh ende Fonteyn,

 

Gheeft my een hertghen reyn,

 

Den reynen u sal sien,Den

 

Hier doort gheloof alleyn,

 

Dat u gaef is gemeyn

 

 

 

Gheeft my dat u behaeght,

 

Nae u behaghen schoon,

 

Diet al in u handt draeght,

 

Sittende in den throon.

 

Mijn hoop, glory en croon,

 

V lof sal zijn volmaeckt, V

 

Als u verdiende loon,

 

In mijn ziel wordt ghesmaeckt.

 

 

 

Tsoete Honigh-raetgen

 

Soud ick smaken te met,

 

Waer oock mijn yle vaetgen,

 

Heel onder u gheset,

 

Als die daer uwen wet

 

(In liefden hooch vermaert,)In

 

Bewaerden alsoo net,

 

Waer door die zijn verclaert.

[fol. H4v]

 

Prince die doet leven

 

Diet al wel heeft bereyt,

 

Geeft, dat ghy wilt gheven

 

Dat ick met onderscheyt,

 

V lof met danckbaerheyt

 

Al in de glory dijn //Al

 

(Van u sijnde gheleyt,

 

Mocht gheven u aenschijn.